web counter
LEXO PA REKLAMA!

SHKARKO APP

App Store
Google Play

E fundit!

x

Kumbaro i përgjigjet Zhupës/ "Ligji i Zonave të Mbrojtura nuk cenon direktivat europiane"

19 Dhjetor 2024, 11:38, Politikë CNA
Kumbaro i përgjigjet Zhupës/ "Ligji i Zonave të Mbrojtura
Ministrja e Turizmit dhe Mjedisit, Mirela Kumbaro

Në interpelancën e sotme në Parlament, ministrja e Turizmit dhe Mjedisit, Mirela Kumbaro, listoi gjithë punën e bërë për zonat e mbrojtura dhe rritjen e sipërfaqes së tyre.

Kumbaro hodhi edhe akuza mbi qeverinë e përpara vitit 2013, duke thënë se ka shkaktuar dëme në zonat e mbrojtura dhe në biodiversitet.

“Pasuritë dhe burimet natyrore, aty kanë qenë ndër dekada, por për gjithë ato dekada as ka dashur të merret njeri, dhe as i ka pasur njeri në vëmendje se në prioritet jo e jo! Për t’i abuzuar, shkatërruar, ndërtuar kuturu pa kokë, pa plan e me babëzi siç na kanë parë sytë jo më larg, por deri 10 vite më parë gjatë qeverisjes së kaluar deri në vitin 2013 kur mijëra e mijëra çibanë të tmerrshëm u mbollën në territor, në zona natyrore e kulturore, në shtrate lumenjsh e plazhe me rërë…. Po, këtë na latë trashëgim ju! Kjo ka qenë historia në 25 vite! Dhe nuk do përmend Bathoren, as Tiranën e vitit 2000, por Ksamilin që nga një kodër në Zonë të mbrojtur e degraduat në Bathoren e bregdetit, duke i hequr çdo arsye dhe argument për biodiversitet që ne me programet e rikualifikimit urban po e sjellim në terezi, duke ekuilibruar edhe problemet sociale të popullsisë me rrugë, ndriçim, kanalizime, me restaurime dhe rikualifikime të hapësirave publike, duke ua rritur vlerën edhe objekteve që tashmë janë vetëm pjesë e historisë, por edhe duke sinkronizuar ndërhyrjet e investitorëve privatë në sinergji me territorin, por me kritere të rrepta dhe vetëm me vendim të KKT”, u shpreh Kumbaro.

Në lidhje me ligjin e ri të zonave të mbrojtura, Kumbaro deklaroi se përkundër pretendimeve ligji nuk cenon asnjë Direktivë Europiane dhe respekton parimet e Unionit Ndërkombëtar për Mbrojtjen e Natyrës.

“Siç jua kam thënë, ligji i ri e mban të përqendruar tek Agjencia e Zonave të Mbrojtura kontrollin dhe administrimin në territor të këtyre zonave! Ligji nuk cenon asnjë direktivë europiane, dhe respekton parimet e IUCN – organizmi sipëror kur vjen fjala për ekseprtizëm në administrimin e zonave të mbrojtura, i cili në udhërrëfyesin e menaxhimit të zonave të mbrojtura e thotë shumë qartë:

Janë shtetet ato që kanë tagrin e vendimit final dhe përgjegjësinë për administrimin dhe përdorimin e burimeve natyrore të tokës dhe të ujit, prandaj janë vetë këto shtete që vendosin edhe për kategorinë e administrimin e një zone të mbrojtur”. Por ju këto as nuk i lexoni dhe as nuk doni t’i dini, sepse kërkoni dezinformim!”, deklaroi ajo./ CNA





Lajmet e fundit nga