web counter
LEXO PA REKLAMA!

SHKARKO APP

App Store
Google Play

E fundit!

x

Pse çiftit Veliaj-Xoxa zbritja me këmbë në tokë i duket sëmundje?

17 Janar 2025, 09:52, Editorial CNA
Pse çiftit Veliaj-Xoxa zbritja me këmbë në tokë i
Kryebashkiaku i Tiranës, Erion Veliaj dhe bashkëshortja e tij, Ajola Xoxa

Erion Veliaj ka hequr xhupat e shtrenjtë kur shfaqet në publik.

Në daljen e fundit kishte veshur një xhup "Adidas" nga ata që mund edhe t'i ngatërrosh me modele "fake" që shiten te tregu i çamëve.

Dhe ky është lajm i mirë!

Erion Veliaj më në fund e paska ndier peshën e kontrolleve të kolegëve të SPAK-ut.

Megjithëse në fytyrë i dallohet qartë pagjumësia që duket se e shoqëron kohët e fundit, pas kontrolleve në apartament dhe jo vetëm, duhet thënë se po e mban veten mirë kur duhet të reklamojë punët e bashkisë.

Kjo mund të mos jetë shumë e vështirë për tipa si Erion Veliaj ose Lulzim Basha, që gjatë gjithë karrierës së tyre politike duket sikur jetojnë 2 realitete paralele, një kur flasin me të tjerë dhe një tjetër kur flasin me vete.

Nuk duhet të jetë shumë e vështirë për një mashtrues patologjik që të pozicionohet dhe të flasë si njeri që i qan hallet popullit para kamerave dhe menjëherë kur fiken ato, të hyjë në dimensionin personal të pazarxhiut dhe skemaxhiut për hallet e veta.

Por të paktën tani është kujtuar që sipas rastit duhet t'i përshtasë edhe xhupin dekorit të modelit të kryetarit që nuk e zë gjumi për hallet e popullit.

Dhe kjo është shenjë e mirë!

Nga ana tjetër bashkëshortja e tij duket po e refuzon përshtatjen me kushtet e reja. Ajo nuk heq dot dorë nga bodigardet, nga supermakinat dhe nga reklamimi i fustaneve që ia ka lënë trashëgim gjyshja që ka punuar si dizajner për "Dolce & Gabana".

Pse çiftit Veliaj-Xoxa zbritja me këmbë në tokë i
Bashkëshortja e Erion Veliajt, Ajola Xoxa

Nëse Veliaj s'e paska problem të ndërrojë gardërobën, duket se Xoxa nuk po e përballon mirë nevojën e përshtatjes me realitetin e ri të bashkëpunimit me kolegët e Veliajt në SPAK.

E mësuar të mbajë një maskë hipokrizie 24/7, tani e ka të pamundur që jo vetëm të zbresë me këmbë në tokë, por të paktën të spostohet pak më poshtë e të afrohet disi me nivelin e njeriut të zakonshëm.

Bashkëshorti ka filluar të hapë llafe që e shoqja është bërë pak depresive. Me sa duket e shoqja po e kërcënon që nuk ka ndër mend të ndryshojë stilin e jetesës e të barazohet me një njeri të zakonshëm.

Fundja ai i kishte premtuar shumë më shumë sesa thjesht premtimi se "do të plaket me Ajolën".

Pse çiftit Veliaj-Xoxa zbritja me këmbë në tokë i
Ajola Xoxa dhe Erion Veliaj

Ajo çdo gjë e ka bërë siç i ka thënë i shoqi. Ka përfshirë gjysmën e fisit në skemat e pastrimit të parave, pasi bashkëshorti e ka siguruar që atë nuk e gjen gjë dhe se ai do të bëhej kryetar edhe i PS dikur. Ndaj tani Xoxa refuzon të pranojë që kohët kanë ndryshuar.

I dashur Erion!

Ajola nuk ka depresion! Është thjesht e tërbuar me ty!

Dhe po ta mendosh hollë ka të drejtë.

Kur mashtroje gjithë dynjanë mund ta kishe kursyer Ajolën!/CNA

 





10:20 Editorial

Lotët e Lulit

Në disa dalje mediatike të javëve të fundit, Lulzim Ba...

Lajmet e fundit nga