web counter
LEXO PA REKLAMA!

SHKARKO APP

App Store
Google Play

E fundit!

x

Kush është Nesti Angoni në versionin “Kastriot Myftaraj”

20 Janar 2025, 16:11, Editorial CNA

Kush është Nesti Angoni në versionin “Kastriot

Erion Veliaj është në kërkim të Nesti Angonit! Hipotezat shkojnë nga njëri kah në kahun tjetër të politikës.
Secili në vartësi të raporteve që ka me Erion Veliajn apo sipas simpatisë ose antipatisë ndaj tij, i ka vënë një emër real akuzuesit simpatik, që ka zgjedhur për vete një emër që duket si filogrek.

Si për ta ushqyer edhe me më shumë ngjyra, fantazinë e bisedave të tavolinave të kafeneve të Tiranës.

Më i famshmi “Nesti” në historinë e shtetit shqiptar ka qenë Nesti Nase.

Nesti Nase ka qenë punonjës i Sigurimit të Shtetit, diplomat dhe ministri i Jashtëm më jetëgjatë i shtetit shqiptar. Ai dënohet si puçist në vitin 1982 dhe burgoset.

Angoni është mbiemri i zgjedhur nga denoncuesi enigmatik.

“Angon” është një lloj shtize e rëndë që i ngjante një pilumi romak dhe u përdor në mesjetën e hershme nga luftëtarët gjermanikë (si Frankët dhe Anglosaksonët).

Kush mund të jetë denoncuesi i cili ka zgjedhur për vete një emër kaq patetik e që ngjan pothuajse si ajo që italianët e quajnë “nome d’arte”?

Denoncuesi do që në emër, ta lidhë veten me një nomenklaturë të kohës së përpara viteve ’90, por duke zgjedhur si emër atë të Nesti Nases, edhe e distancon veten nga diktatura meqë zgjedh emrin e dikujt që diktatura e burgosi.

Me zgjedhjen e emrit, denoncuesi me siguri ka dashur të na thotë se ashtu si Nesti Nase, është udhëheqësi që po i shkruan fatin edhe denoncuesit vetë.

Denoncuesi i jep vetes mbiemrin “Angoni” si për të na treguar që është gjatë aty, krah Veliajt, që nga koha e kohërave.




E nëse Nesti Angoni është i njëjtë me karakteristikat e zgjedhura në emrin që ka zgjedhur për veten, atëherë ai duhet kërkuar dhe gjetur në lidhje të vjetra betejash të vetë Veliajt. Por sidoqoftë, mes atyre që kanë sot të njëjtin fat me Veliajn nga i njëjti udhëheqës.

“Nesti” nuk mund të jetë një teknicien i thjeshtë! Ai është poet nga mënyra se si ka zgjedhur të quhet. Ai është patetik nga zgjedhja që i ka bërë mbiemrit. Ai është dikush që përpara se të “vdesë” vetë, nxjerr hushtën kundër Veliajt, të cilin me sa duket e konsideron shkaktarin e përfshirjes në vdekjen e përbashkët.

Me emrin e vet, denoncuesi anonim, përfundon me një fat të përbashkët me Veliajn. Por denoncuesi nuk mund të përdorë emrin e vet. Statusi që ka dhe me sa duket edukata familjare nuk ia mundëson këtë. Ndaj ai ka zgjedhur të denoncojë! Si i denoncuar ai mund edhe të “vdesë” me emrin e vet në një fat të përbashkët me Veliajn, por ka zgjedhur të jetojë nën emrin e Nesti Angonit.

Si një bashkudhëtar i Veliajt që megjithëse merr fund nën emrin e vet, rilind dhe do njihet gjithmonë si hero nën emrin e Nesti Angonit.

Kjo do ishte analiza që do kishte bërë Kastriot Myftaraj nëse do ishte gjallë. Dhe nëse do ishte gjallë e do kishte shkruar këtë tekst, titulli i shkrimit do ishte: Pse besoj se Nesti Angoni është vetë Ajola Xoxa”!/CNA





10:20 Editorial

Lotët e Lulit

Në disa dalje mediatike të javëve të fundit, Lulzim Ba...

Lajmet e fundit nga