web counter
LEXO PA REKLAMA!

SHKARKO APP

App Store
Google Play

E fundit!

x

Përrallat e Klotilda Bushkës

12 Shkurt 2025, 15:04, Politikë CNA

Përrallat e Klotilda Bushkës

Kryetarja e Komisionit të Ligjeve, deputetja e Rilindjes, e ardhur nga burimet e 99-çave të Erion Veliajt, sot tentoi të sillej si shenjtore për të dhënë sqarime para grupit parlamentar të PS-së duke treguar miqësira, historia e meselera, por në fakt drejtësia nuk është histori apo përralla që thotë Klotilda Bushka, broçkullat e saj për të mashtruar opinionin publik duke bërë politikë, por janë faktet, provat dhe dokumentet.

Klotilda Bushka e di mjaft mirë se gjatë hetimeve është filmuar, është regjistruar, është me zë dhe me figurë.

Sipas dokumenteve të dala nga gjykata, nuk ka një vendim të prokurorit në këtë rast, por ka një vendim gjykate, dokumente që ne i kemi publikuar dje që ne i kemi që mund t’i lexoni këtu, që intimidon ish-drejtoreshën për të marrë përsipër krimin dhe i ofron edhe para në rast se asaj i nevojiten dhe kjo është një provë në dosje.

Historitë me miqësira, ndihma e të tjerë nuk duhet të shkojnë në pengimin e drejtësisë, fshehjen e provave apo manipulimin e tyre.

Klotilda Bushka është deputete dhe nuk mund të ushtrojë profesionin e avokatit. Mund ta ndihmosh, por nuk lejohet të japësh konsulencë ligjore. Pra edhe me armët që përdor ka “vrarë” veten.

Ti mund t’i ndihmosh, mund t’i këshillosh juridikisht e të tjerë, por kur fillon thërret dëshmitarët, u ofron para dhe u kërkon të ndryshojnë dëshminë është vepër penale dhe nuk kemi të bëjmë me histori dhe romane, por me fakte dhe prova konkrete dhe përgjegjësi penale.

Meqenëse kryeministri ynë tha se nuk ndodh në asnjë vend të Evropës ky lloj hetimi dhe kjo lloj forme që po bëka SPAK-u i famshëm e po na dhënka gjykata, në fakt po i bëjmë një pyetje:

Në cilin vend të botës nëse do të gjendej një fakt dhe provë e tillë siç i ka dalë Klotilda Bushkës, do të qëndronte në detyrë, jo më si kryetare e Komisionit të Ligjeve, por si deputete?

Në cilin vend të botës një kryetari Komisioni të Ligjeve që është njeriu numër 2 i parlamentit do t’i shkonte të thërriste dëshmitarë e të diskutonte çështje parash e ndryshim dëshmie? Në cilin vend të botë mund të ndodhë kjo?

Ndaj dhe ato që Klotilda Bushka tha në mbledhjen e grupit parlamentar të PS-së nuk janë thjesht dhe vetëm përralla të Klotilda Bushkës./ CNA 

 





Lajmet e fundit nga