web counter
LEXO PA REKLAMA!

SHKARKO APP

App Store
Google Play

E fundit!

x

Hetimet e SPAK-ut/ Bushka i qahet Ramës: Si t’ua shpjegoj fëmijëve të mi

12 Shkurt 2025, 09:36, Politikë CNA

Hetimet e SPAK-ut/ Bushka i qahet Ramës: Si t’ua shpjegoj

Deputetja socialiste, Klotilda Bushka, i është qarë kryeministrit Edi Rama në mbledhje me grupin parlamentar se si t'ua shpjegojë prindërve dhe fëmijëve të saj hetimet e SPAK-ut.

"E kam kërkuar ta bëjmë këtë dëgjesë nisur nga dy premisa, përfshirja e emrit tim në hetimin e Veliajt e kam dëgjuar nga media përmes një deklarate për shtyp të SPAK-ut.

Premisa e dytë, shqetësimi i thellë për funksionimin e së drejtës, rolin e Kuvendit në funksionim të institucionit.

Unë e njoh Ajola Xoxën dhe kam bashkëpunuar me të para se të bëhem deputete. Veliaj është miku im i fëmijërisë, jam e lumtur që kemi punuar.

Jo pak herë kam qenë me Ajolën si mike dhe kolege.

Janë vënë në dijen të një shqetësimi se janë intimiduar, kërcënuar për të marrë dëshmi, disa prej tyre kanë treguar se si janë marrë në pyetje. Jam shqetësuar për shkeljen e të drejtave që u janë bërë këtyre njerëzve.

Janë detyrar të dëshmojnë kundër vetes dhe dëshmojnë.

Problematikat e kësaj çështjeje nuk janë rast i izoluar. Unë dhe kolegët e mi në Komisionin e Ligjeve kemi shprehur kritika konstruktive.

Është e vërtetë. Bashkëshorti im ka një biznes që ofron shërbime të teknologjisë së informacionit dhe i ka ofruar BYLA shërbim me 16 euro në muaj, arrin në 112 mijë lekë me faturë fiskale. Të raportuara të gjitha.

Sot dëgjojnë se jam në hetim, si t'ua shpjegoj prindërve, që mamaja e shokut të tyre është e pafajshmë derisa të provohet e kundërta”, tha Bushka.

Rama nga ana tjetër e ka marrë në mbrojtje siç ka vepruar dhe me Veliajn./ CNA





Lajmet e fundit nga