E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

“Komisioni i Ligjeve nuk duhet të merret zvarrë nga prangat e Erion Veliajt”/ Çupi: Bushka të japë dorëheqjen

12 Shkurt 2025, 14:54, Politikë CNA

“Komisioni i Ligjeve nuk duhet të merret zvarrë nga prangat e

Deputetja e Partisë Demokratike, Dhurata Çupi, tha sot se Komisioni i Ligjeve nuk duhet të merret zvarrë nga prangat e Erion Veliajt dhe se drejtuesja e këtij Komisioni, Klotilda Bushka, duhet të japë dorëheqjen.

Në një deklaratë për median, Çupi tha se përpëlitjet e Edi Ramës dhe zvarritja e tij pas prangave të Erion Veliajt kanë hedhur në erë qeverinë, Bashkinë e Tiranës dhe Kuvendin e Shqipërisë.

Më tej, Çupi theksoi se si nënkryetare e Komisionit të Ligjeve, është shumë e keqardhur për qëndrimin antishtet të mbajtur nga kryetarja e Komisionit të Ligjeve, Klotilda Bushka.

Çupi tha se për pjesën penale le të merret SPAK-u, ndërsa PD-ja si opozitë ka detyrimin të ngrejë zërin kundër keqpërdorimit të Parlamentit dhe Komisionit të Ligjeve në aferën korruptive të Erion Veliajt.

“Përpëlitjet e Edi Ramës dhe zvarritja e tij pas prangave të Erion Veliajt kanë hedhur në erë qeverinë, Bashkinë e Tiranës dhe Kuvendin e Shqipërisë!

Qeverinë, sepse që nga sot, është dhënë mesazhi se kush vjedh ka mbrojtjen e Edi Ramës!

Bashkinë e Tiranës, sepse është vendosur vija e kuqe e paprekshmërisë së korrupsionit!

Kuvendin e Shqipërisë, sepse është dhënë mesazhi publik se kush pengon të zbulohet korrupsioni, ka mbrojtjen e Edi Ramës!

Si nënkryetare e Komisionit të Ligjeve, jam shumë e keqardhur për qëndrimin antishtet të mbajtur nga kryetarja e Komisionit të Ligjeve gjatë hetimit të miqve të saj politikë dhe të biznesit, Erion Veliaj dhe Ajola Xoxa.

Pengimi i hetimeve, duke ndihmuar në shkatërrimin e telefonit si mjet për provat e korrupsionit të çiftit Veliaj-Xoxa;

Pengimi i hetimeve duke orientuar dëshmitarët të japin dëshmi të rreme;

Pengimi i hetimeve për të mësuar se kompania guackë e Ajola Xoxës kishte adresën e shtëpisë së kryetares së Komisionit të Ligjeve;

Të gjitha këto akte janë të dënueshme moralisht, politikisht dhe penalisht.

Por ndërsa me pjesën penale le të merret SPAK-u, si opozitë, kemi detyrimin të ngremë zërin kundër keqpërdorimit të Parlamentit dhe Komisionit të Ligjeve në aferën korruptive të Erion Veliajt.

Komisioni i Ligjeve, Këshilli i Mandateve, Sekretariati për procedurat, votimet dhe etikën, është keqpërdorur këto vite për të mbrojtur paligjshmërinë e Edi Ramës përmes ligjeve me porosi, dënimit me porosi të opozitës apo mbrojtjen me porosi të mandateve antikushtetuese.

Kryetarja e Komisionit të Ligjeve, Klotilda Bushka, duhet të japë dorëheqjen!

Komisioni i Ligjeve nuk duhet të merret zvarrë nga prangat e Erion Veliajt dhe pafuqia e Edi Ramës për të mbuluar korrupsionin e tmerrshëm të mazhorancës dhe qeverisë që drejton!”, - deklaroi Çupi./CNA