E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

Arrestimi i Veliajt/ Rama me mesazhe intimiduese për gjyqtarin: Mos bëni gabim të më kërkoni telefonin

12 Shkurt 2025, 10:51, Politikë CNA

Arrestimi i Veliajt/ Rama me mesazhe intimiduese për gjyqtarin: Mos

Edi Rama

Kryeministri Edi Rama në mbledhjen e sotme ka lexuar një mesazh të ardhur nga një qytetar, të cilit nuk ia ka bërë të ditur emrin që në fakt më shumë duket si një mesazh intimidues për gjyqtarin që është marrë me dosjen hetimore të kryebashkiakut Erion Veliaj.

Në mesazh thuhej se gjyqtari i çështjes "Veliaj" është marrë me të gjitha çështjet që kanë të bëjnë me socialistët.

“I njëjti gjyqtar i angazhuar në të gjitha çështjet e veçanta me target njerëzit tuaj. Është selektuar gjyqtari, ju informoj se gjyqtarë të tjerë nuk kanë pranuar t’i rrinë së njëjtës kërkesë për arrest se gjyqtari e lehtëson masën jo ta ashpërsojë”, tha Rama.

Rama ka hedhur akuza ndaj gjyqtarit duke u shprehur se dosja e cila duhet të ishte sekret, është publikuar me qëllim përbaltjen e figurave të partisë së tij.

Kryeministri ka vijuar më tej akuzat ndaj gjyqtarëve, duke i quajtur kamikazë të PD-së në GJKKO.

“I njohur si ekstremist i djathtë, i njohur si eksponent i djathtë, skandal në të gjitha rastet i njëjti gjyqtar, është gjyqtari paraprak për dosjen 'Toyota Yaris'. Vetëm një fakt ka ndaluar urdhërim publik të dosjes së tij gjë që nuk e bënë, por bënë të kundërtën kur duan të përbalten figurat e PS-së. Tani dosjen e ka bufi i kënetës që i lexon në parlament. Është i ndaluar për t'u përhapur dhe publikuar. Ku jemi këtu? Kjo është vepër penale. Të mos bëjnë gabim të kërkojnë telefonin tim se kanë boll telefonat e gjithë Shqipërisë”, u shpreh Rama.

Një mesazh Rama e kishte edhe për kreun e SPAK-ut, Dumani, të cilit i ka kërkuar të hetojë se si dosja "Toyota Yaris" ka përfunduar në duart e kryedemokratit Berisha.

“Altin Dumani të kërkojë gjurmët e vendimit të 'Toyota Yaris' dhe t'i thotë publikut si kanë përfunduar në duart e bufit të kënetës”, tha kryeministri./ CNA