web counter
LEXO PA REKLAMA!

SHKARKO APP

App Store
Google Play

E fundit!

x

Rama, sërish i penduar/ "Mbështesim SPAK-un dhe GJKKO-në, por Lalin ta ndiqnin të lirë"

12 Shkurt 2025, 14:33, Politikë CNA
Rama, sërish i penduar/ "Mbështesim SPAK-un dhe GJKKO-në,
Kryeministri Edi Rama

Kryeministri Edi Rama shfaqet sërish i penduar për reagimet e tij ndaj institucioneve të drejtësisë.

Në reagimin e tij të fundit, Rama thotë se mbështet SPAK-un dhe GJKKO-në, por Veliajn mund ta gjykonin edhe në gjendje të lirë.

“Kanalet kërkuakan debate PS - PD për rastin e Erionit, pra nuk paskan kuptuar akoma se ne kemi kaluar nga pesë vjet heshtje në një fazë të re, kur do t’i japim vetes të drejtën të japim opinionet tona konstruktive për standardet dhe shkeljet në procese, por nuk kemi ndryshuar thelbin e qëndrimit tonë se PS nuk është zyrë avokatie e askujt që është në proces, përfshirë edhe Erionin.

E para, fakti që burgosja pa gjyq e kryetarit të bashkisë, për një problematikë që s’ka asnjë lidhje me kushtet kur jepet kjo masë, duke ndërprerë arbitrarisht kontratën e tij me zgjedhësit, kur gjykimi mund të vazhdonte në gjendje të lirë, ka të bëjë me standardet jo me fajësinë a pafajësinë e Erionit. Këtë të fundit duhet ta ndajë drejtësia jo debatuesit e PS-së.

E dyta, nuk ka asnjë shans që ne të bëhemi pjesë e sharjeshpifjeve nokturne për çështje të drejtësisë, kur kanalet bëhen si gjykatat e pazareve të mesjetës, ku gjuhet me gurë nga të katër anët dhe ku kua-kua-kuatë e kënetës politiko-mediatike arrijnë klimaksin e tyre.

Dhe e fundit, askush nuk ka për të na tërhequr dot në debate politike për SPAK-un e për GJKKO-në, sepse mes nesh dhe kënetës është kufiri mes dy botëve; asaj të drejtësisë së re europiane që duam ne, me pavarësi të plotë nga pushteti politik e me standarde demokratike, dhe asaj të drejtësisë së vjetër vulgare që do bufi me kënetën e tij, me kontroll të plotë politik e me pazare si ato që e bënë këtë vend për 100 vjet mbretërinë e padrejtësisë.

Këtë lloj debati do ta bëjmë me njerëzit, në popull, në rrugën drejt 11 majit, në mbështetje të plotë të SPAK-ut e GJKKO-së kundër korrupsionit dhe patjetër, pa heshtur për shqetësimet që krijohen nga gabimet apo fajet në raport me standardet ose fjala vjen nga fakti që befas, bëhet me urgjencë prerja e kokës së Tiranës kur kemi hyrë në zgjedhje, ndërsa pesë vjet nga krijimi i tij SPAK-u s’ka asnjë urgjencë për të dhënë drejtësi për 21 janarin! Ja kështu.

Dhe përveç spektaklit të sharjeshpifjeve e të teorive idiote të konspiracionit në ato kanale, shërbejini pak edhe të vërtetës, duke kërkuar ku janë provat, a mjaftojnë a s’mjaftojnë, a janë a s’janë kushtet për burg pa gjyq e me radhë, standardet demokratike, profesionalizmi, dinjiteti i njerëzve si ata që janë intimiduar e me radhë. Po këto nuk diskutohen me palët politike përballë, e aq më pak kur njëra nga palët është këneta opozitare e bufit që thotë më jepni votën të shkrij SPAK-un”, shkruan Rama në platformën “X”./ CNA





Lajmet e fundit nga