web counter
LEXO PA REKLAMA!

SHKARKO APP

SPAK merr nën hetim deputeten socialiste

10 Shkurt 2025, 16:29, Politikë CNA

SPAK merr nën hetim deputeten socialiste

Burime zyrtare thanë për CNA se gjatë hetimeve për Erion Veliajn, po kryen hetime paraprake edhe ndaj deputetes socialiste, shtetases Klotilda Bushka.

Sipas burimeve, Bushka dyshohet për kryerjen e veprës penale të “Veprime që pengojnë zbulimin e së vërtetës”.

Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim deputetja Klotilda Bushka ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024.

Prokuroria e Posaçme po kryen hetime paraprake ndaj deputetes së Kuvendit të Shqipërisë, shtetases K. B. Emri i kësaj të fundit është regjistruar në regjistrin përkatës të njoftimeve si person i dyshuar për kryerjen e veprës penale të “Veprime që pengojnë zbulimin e së vërtetës”, parashikuar nga neni 301 i Kodit Penal. Deri në këtë fazë konstatohet se ekzistojnë të dhëna konkrete të cilat të çojnë tek dyshimi i arsyeshëm se personi nën hetim K. B. ka kryer veprime aktive të kundërligjshme të cilat kanë interferuar me hetimin e organit procedues në lidhje me procedimin penal nr. 27 të vitit 2024”, - thuhet në njoftimin e SPAK./CNA





Lajmet e fundit nga