web counter
LEXO PA REKLAMA!

SHKARKO APP

App Store
Google Play

Budallallëqet e Belindit dhe Saliut

10 Shkurt 2025, 16:24, Politikë CNA

Budallallëqet e Belindit dhe Saliut

Sot në mesditë, nga selia e Partisë Demokratike, Belind Këlliçi ka dalë në një deklaratë për shtyp. Kuptohet që bën politikë, megjithëse arrestimi i Veliajt është edhe një kontribut i madh i tij dhe i një grupi ekspertësh të opozitës, por e quajti si një arrestim të dirigjuar nga Edi Rama.

Sërish SPAK-u u anatemua, se na kishte ardhur një strateg fushate në Tiranë dhe me ardhjen e tij duhet të sfumohej lajmi, prandaj dhe Veliaj u arrestua në të njëjtën ditë.

Këtë budallallëk, në fakt, diku rreth mesditës, e tha Çim Peka. Diku e artikuloi edhe Andi Bushati në një tavolinë, por të dëgjuar në një telefonatë e një mikut të tij jurist.

Pra, disa broçkulla që fillojnë si tallje telefonash për të gjetur armikun e radhës. Vetëm e vetëm që të mos pranojnë se SPAK-u nuk kontrollohet nga Rama, se Altin Dumani nuk kontrollohet nga Rama, se nuk ka të paprekshëm.

 


Dhe, pasi iu ra Erion Veliaj, bashkë me të ranë edhe tezat e tyre idiote, tani vazhdojnë idiotësisht deri në fund dhe kjo është e çuditshme që në ditën kur duhet të heshtnin përballë SPAK-ut dhe të vazhdonin më fort denoncimet ndaj Erion Veliajt, sulmojnë sërish institucionin që ka bërë detyrën në mënyrën më perfekte, pasi shpresonin që SPAK-u të mos arrestonte në të vërtetë Erion Veliajn, donin që kjo të ndodhte pas zgjedhjeve, që ta anatemonin se SPAK-u nuk qe i pavarur për ta./CNA 





Lajmet e fundit nga