web counter
LEXO PA REKLAMA!

SHKARKO APP

App Store
Google Play

E fundit!

x

Vota e Diasporës/ Balla në Frankfurt: PS do të përmbyllë procesin e anëtarësimit të Shqipërisë në BE

9 Shkurt 2025, 20:59, Politikë CNA

Vota e Diasporës/ Balla në Frankfurt: PS do të

Drejtuesi Politik i Partisë Socialiste për Diasporën, Taulant Balla ka zhvilluar një takim me emigrantët në Frankfurt deklaroi se vota për Partinë Socialiste do t'i bëjë ata të ndjehen të barabartë me shtetasit gjermanë, pra qytetarë të BE-së.

Sipas Ballës, ishte kjo parti që e ka pasur gjithnjë përparësi votën e diasporës duke e kushtëzuar edhe reformën zgjedhore me këtë synim.

"Kuvendi i dha zgjidhje një borxhi që u kishim bashkatdhetarëve. Partia Socialiste një kusht ka pasur për reformën, vetëm votën e diasporës, sepse diaspora ka një gjykim të paanshëm."

Balla falënderoi Gjermaninë për mbështetjen që i ka dhënë gjithnjë Shqipërisë në rrugën drejt BE.

"Dhe një gjë duhet ta themi, ne i jemi shumë mirënjohës Gjermanisë për mbështetjen e pakushtëzuar që i ka dhënë Shqipërisë ndër vite sa i përket anëtarësimit dhe integrimit në BE. Nëse ka një parti politike që mund dhe do ta përmbyllë procesin e anëtarësimit të Shqipërisë në BE është PS. Unë dua që në katër vitet e ardhshme, secili prej jush këtu në Frankfurt ta shohë veten e vet të barabartë me shtetasin gjerman, pra ta shohë veten qytetar të BE-së."

Drejtuesi Politik i Diasporës në Partinë Socialiste kërkoi votën e bashkatdhetarëve në Frankfurt për ta bërë të pakthyeshëm progresin që është arritur deri tani./ CNA





Lajmet e fundit nga