web counter
LEXO PA REKLAMA!

SHKARKO APP

App Store
Google Play

Berisha: Nëse Rama merr një mandat tjetër, Shqipëria do shuhet dhe nuk do ekzistojë

9 Shkurt 2025, 14:58, Politikë CNA
Berisha: Nëse Rama merr një mandat tjetër, Shqipëria do
Kryetari i Partisë Demokratike, Sali Berisha

Kryetari i Partisë Demokratike, Sali Berisha, gjatë takimit me emigrantët shqiptarë në Itali e quajti kryeministrin Edi Rama Toto Riina.

Berisha tha se Rama ia ka dorëzuar Shqipërinë krimit dhe e ka futur në një rrezik ekzistencial.

Sipas tij, nëse kryeministri merr një mandat tjetër, Shqipëria nuk do ekzistojë, por do të shuhet nga faqja e dheut.

“Miqtë e mi, sot kryetari i qeverisë mund të quhej në mënyrë absolute Toto Riina, çfarë të doni ju. Ky është Edi Rama. Edi Rama ia ka dorëzuar Shqipërinë krimit në traditën e baballarëve të tij, të cilët krimin politik, varjen në litar, ekzekutimin para skuadrave të pushkatimit e quanin të dobishëm.

Edi Rama përdor sot krimin për të mposhtur shqiptarët sot për pushtetin e tij. Sot Toto Riinat shqiptarë apo El Chapot shqiptarë në krye të qeverië shumëzojnë me zero qytetarët shqiptarë. Pronat dhe çdo pasuri përrallore e ndan me trafikantët, e ndan me kriminelët, e ndan me klanet e tij.

Miqtë e mi, rreziqet e sotme të Shqipërisë janë rreziqe ekzistenciale. Shqipëria gjithmonë ka pasur rreziqe, por këtë herë të gjitha rreziqet janë mishëruar në një njeri dhe ky njeri është El Chapo shqiptar apo Toto Riina shqiptar.

Rreziqet tona janë ekzistenciale, çdo shqiptar duhet të dijë se një mandat i katërt për Edi Ramën, i cili në 10 vite përzuri nga Shqipëria 45 perqind të shqiptarëve vetëm në hapësirën e BE, 1 milion e 99 mijë shqiptarë.

Në një mandat tjetër, Shqipëria nuk do ekzistojë.  Shqipëria do shndërrohet në tokën e kriminelëve, bandave, trafikantëve. Toka e Zotit, e bukura e dheut do shuhet nga faqja e tij. A do pranojmë ne? Kurrë një gjë të tillë”, theksoi kryedemokrati./ CNA





Lajmet e fundit nga