web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Romë/ Noka: Me votën e diasporës do ta mundim narkoshtetin me 11 maj

9 Shkurt 2025, 14:19, Politikë CNA
Takimi në Romë/ Noka: Me votën e diasporës do ta mundim
Sekretari i Përgjithshëm i PD-së, Flamur Noka

Sekretari i Përgjithshëm i PD-së, Flamur Noka, ka shprehu bindje për fitoren e opozitës në zgjedhjet parlamentare të 11 majit.

Noka tha se me votën e diasporës opozita do të përmbysë pushtetin në zgjedhje.

Ai kërkoi që emigrantët të regjistrohen dhe të marrin pjesë në zgjedhje që të largojnë qeverinë e Edi Ramës.

Pjesë nga fjalimi:

Shumë prej jush këtu kanë ardhur të rinj, sot janë gjyshër, kanë nipër dhe mbesa, prandaj të gjithë sa jemi këtu dhe kudo në diasporë, të gjithë duhet të bëjmë gjithçka që Edi Rama Shqipërinë ta kthejë në tokë të djegur dhe vendi të ngelet dhe i huaj për ne.

Ne duhet ti prijmë atij ndryshimi të shumëpritur që çdo shqiptar e pret dhe ndryshimi do të vijë nga vota e diasporës.

Që ky ndryshim do të trokasë në 11 maj në Shqipëri, duhet që mërgata shqiptare të regjistrohet dhe votojë masivisht në këto zgjedhje. Është vota juaj, vota e diasporës që pritet si një rreze shprese nga të gjithë shqiptarët.

Ky është një moment jetik, i papërsëritshëm për vendin tonë, është një mundësi që PD e bëri realitet që ju të votoni në Shqipëri.

Me votën tuaj ne do ta mundim regjimin, do ta zëvendësojmë regjimin me një demokraci evropiane. Vota juaj do të ndalojë dëbimin e shqiptarëve nga Shqipëria, do ta ndalë dëbimin e të rinjve.

Me votën tuaj do ta mundim narkoshtetin me 11 maj, ndaj vetëm një thirrje për çdo njërin prej jush, regjistrohuni, është e vetmja mënyrë që t’i ktheni reston regjimit që ju largoi nga Shqipëria.

Ne së bashku do ta çlirojmë Shqipërinë nga llumi politik që zhgërryhet  në luks do ta çlirojmë Shqipërinë nga një regjim narkomanësh që ushqehet në kurriz të popullit më të varfër të Europës./ CNA





Lajmet e fundit nga