web counter
LEXO PA REKLAMA!

SHKARKO APP

App Store
Google Play

E fundit!

x

Mediu, thirrje të fortë qytetarëve/ "Të bashkohemi për të rrëzuar qeverinë"

8 Shkurt 2025, 18:00, Politikë CNA
Mediu, thirrje të fortë qytetarëve/ "Të bashkohemi
Kryetari i Partisë Republikane, Fatmir Mediu

Kryetari i Partisë Republikane, Fatmir Mediu, bëri thirrje për bashkimin e shqiptarëve me opozitën dhe përmbysjen e qeverisë.

Gjatë fjalës së tij në protestë, Mediu ngriti akuzat se qeveria e Edi Ramës është antikombëtare.

Ai theksoi se Shqipëria duhet kthyer për nga rruga e saj euro-atlantike.

“Ne jemi këtu për shtetin e shqiptarëve dhe jo për pushtetin. Ne jemi ata që sollëm demokracinë, që e bëmë Shqipërinë vend anëtar të NATO-s, jemi ne që pritëm presidentin e Amerikës, George Bush. Ne kemi ndërtuar më të mirën për kombin shqiptar. Kjo qeveri shet propagandë e demagogji, duke besuar se ka vetëm një forcë. Votuesit janë ata që vendosin. Dy rezoluta të kryesuara nga CDU thonë se në Shqipëri nuk ka zgjedhje të lira e të ndershme. Diaspora ka shansin për ta ndryshuar Shqipërinë. Sot duhet t’ju kthejmë shqiptarëve besimin në Zot. Shqiptarët të bashkohen për të rrëzuar këtë “mur” të fëlliqur që ka ngritur kjo qeveri me qytetarët. Kjo është qeveri antikombëtare, që punon me Serbinë, në kurriz të Kosovës. Rruga e Shqipërisë nuk është nga Serbia, por nga BE dhe SHBA. Ta kthejmë Shqipërinë për nga rruga e saj euro-atlantike”, nënvizoi kreu i PR-së./ CNA





Lajmet e fundit nga