web counter
LEXO PA REKLAMA!

SHKARKO APP

App Store
Google Play

“Lan duart pas çdo afere”/ Muçollari: Koha për të fajësuar të tjerët ka mbaruar për Ramën

8 Shkurt 2025, 12:12, Politikë CNA

“Lan duart pas çdo afere”/ Muçollari: Koha për

Anëtari i Kryesisë së PD-së, Grigels Muçollari, ka komentuar faktin që kryeministri Edi Rama pas çdo afere korruptive lan duart duke thënë se nuk mban përgjegjësi, duke ua faturuar bashkëpunëtorëve të tij që sipas kryeministrit hanë kumbulla e dardha pas shpine.

Muçollari thekson se koha e Ramës për të fajësuar të tjerët ka mbaruar.

Ai u bën thirrje qytetarëve që të bashkohen në protestën e sotme në orën 17:00 para Kryeministrisë.

“Pas çdo afere korruptive të bashkëpunëtorëve më të afërt, Edi Rama ka larë duart, duke thënë se nuk mban përgjegjësi për kumbullat, mollët e dardhat që ata hanë pas shpinës së tij.

Po tani që dolën në shesh kumbullat, mollët, që ha ai vetë, bileta 22 mijë euro në NBA, seanca retreat 10 mijë euro në alpet italiane, vera 33 mijë euro shishja, ç'do të thotë vallë?

Ai po hesht, me shpresën se njerëzit nuk e dinë. Por gjithkush e di. E dinë se këto dardha të Edi Ramës e kanë bishtin mbrapa pasi në këmbim ka dhënë leje e licenca, ka shpërndarë favore me firmën, pushtetin, me zyrën e tij.

Tani kush ia ka fajin?

Koha për të fajësuar të tjerët ka mbaruar për Edi Ramën. Kësaj radhe është kapur me presh në duar. Do bashkohemi sot në orën 5 në bulevard t'i tregojmë se jemi këtu, se nuk harrojmë dhe se kemi dinjitet. Ne do fitojmë!”, shkruan Muçollari./ CNA





Lajmet e fundit nga