web counter
LEXO PA REKLAMA!

SHKARKO APP

App Store
Google Play

Zgjedhjet e 11 Majit/ Leskaj: Emigrantët, mund të rrëzojnë narkodiktaturën e Ramës

9 Shkurt 2025, 17:06, Politikë CNA
Zgjedhjet e 11 Majit/ Leskaj: Emigrantët, mund të rrëzojnë
Bujar Leskaj

Drejtuesi politik i PD për Qarkun e Vlorës, Bujar Leskaj, ka komentuar takimin me emigrantët në Firenze.

Përmes një postimi në rrjetet sociale, Leskaj është shprehur se, e drejta e dhënë për emigrantët që të votojnë u jep atyre mundësinë të rrëzojnë narkodiktaturën e Rilindjes.

"Sot, datë 9 shkurt 2025, së bashku me Kryetarin e PD Vlorë z.Atird Hoxha, ish-deputetin z.Dashamir Tahiri organizuam një takim mbresëlënës, entuziast me bashkëatdhetarët tanë që jetojnë e punojnë në Firenze (Fiesole).

Është hera e parë, që bashkëatdhetrëve tanë jashtë Shqipërisë ju jepet e drejta, kaq e vonuar, për të votuar/zgjedhur, dhe si e tillë ajo pasqyron një moment të madh historik për të gjithë ne.

Votimi i emigrantëve, bashkëqytetarëve, bashkëkombësave tanë në diasporë i hap një tjetër faqe rrugëtimit demokratik të Shqipërisë, si një kapitull i ndritur i saj. Përfshirja e shqiptarëve të diasporës i ka dhënë atyre mundësinë për rrëzimin narkodiktaturës së Rilindjes së Ramës!

Bashkëatdhetarët tanë në Firenze, sidomos ata vlonjatë, përfaqësojnë një komunitet dinjitoz, të mirë-integruar, të përkushtuar e punëtorë, të cilët për vite me radhë kanë dëshmuar se janë një aset i vyer i Shqipërisë e Vlorës.

Mesazhet që përcollën, na bëjnë të vazhdojmë krenar e besimplotë drejt fitores së 11 Majit, ku vota e Diasporës do jetë vota e ndryshimit.

Unë do të desha të falenderoj gjithashtu miqtë e mi jo të paktë vlonjatë që erdhën më takuan dhe ndihmuan me organizimin e këtij takimi dhe më ofruan mbështetje për regjistrimin në listën e votuesve tanë në platformën e KQZ!

Takimet në zona të tjera të Firenzes, me bashkëatdhetarët tanë do jenë pjesë e punës/takimeve tona në diasporë, si një kërkesë nga vet ata për të vazhduar takimet në zona të tjera të Firenzes”, shkruan Leskaj./ CNA





Lajmet e fundit nga