web counter
LEXO PA REKLAMA!

SHKARKO APP

App Store
Google Play

E fundit!

x

“Çorba” që i shijon shumë kryeministrit tonë

11 Shkurt 2025, 13:52, Editorial CNA

“Çorba” që i shijon shumë kryeministrit tonë

Kryeministri Edi Rama zgjodhi një mënyrë tjetër për të mbajtur qëndrim në lidhje me arrestimin e kryebashkiakut të tij, Erion Veliaj.

Megjithëse kryeministri ishte në dijeni për hetimet për “bëmat dhe gjëmat”, për më tepër vetë Rama ka qenë një nga këshilluesit e Erion Veliajt se duhet të largonte drejtorët hajdutë se bashkia i kishte dalë nga kontrolli, për më tepër për muaj të tërë e ka mbajtur larg, por ditët e fundit e afroi si shumë.

Një afrim i tillë nuk është i rastësishëm, “dora e ngrohtë e partisë gishtin nga pas” dhe shkon te vendi”, patjetër që kryeministri di diçka më shumë se qytetarët e thjeshtë të këtij vendi, por ky është rasti kur kryeministrit i pëlqen “çorba”.

Në opinionin publik Edi Rama do ta mbrojë Erion Veliajn.

Ai do t’i japë mbështetjen e tij e për të mos e “çmendur” nuk duhet ta hidhte se i mjafton “çmenduria” e Arben Ahmetajt, i mjafton “çmenduria” e Ilir Metës, me këtë të lalit mund t’i rëndoheshin më shumë situatat.

Ne jemi shumë afër zgjedhjeve, Edi Rama e ka ditur që Erion Veliaj kishte marrë rrugën e burgut dhe tentoi t’i tregonte se po e mbronte, por në fakt nuk kishte çfarë t’i bënte. Është tamam si një shprehje në filmin “Liri a vdekje”.

Ne momentet kur filluan hetimet për pasurinë e Erion Veliajt, atij nuk kishte çfarë t’i bënte “as robi, as Allahu”. Ndaj dhe Edi Rama është përpjekur që ta mbajë “tërhiq e mos e këput”, diku t’i mbajë qëndrim, nga ana tjetër t’i thotë që po e zgjidh me Fatmir Xhafajn, po negocion me drejtësinë e re gjoja se Veliaj kishte dhe këto influencat amerikane, por si përfundim dje u prangos. 

Sot kryeministri ynë tha se hetimet ishin një “çorbë”.

Në fakt e zgjidh Rama si janë hetimet apo gjykata? 

Pasi prokurorët kanë hetuar kanë thënë disa herë në javët e shkuara që jemi në fazë hetimore paraprake. Ajo që është kopsitur, në dosje është një pjesë, pasi është e qartë se ka shumë emra të tjerë, raste të tjera, të cilat lexohen nëpër rreshta.

Pra do të ketë “bëma dhe gjëma” rrugës që do t’i mësojë opinioni publik, por drejtësinë e vendos gjykata dhe gjykatësi Erion Bane ka bërë rreth 50 faqe vendim, ndërkohë që prokurorët e çështjes, Altin Dumani dhe Ols Dado, kanë çuar rreth 315 faqe kërkesë në gjykatë me fakte dhe prova. 

Tani drejtësinë nuk mund ta vendosë Rama, drejtësinë e vendos gjykata. Në fakt, qoftë dhe çorbë, kryeministrit tonë i pëlqen kjo “çorba” e gjykatës dhe prokurorisë me qindra fakte dhe prova që e kanë marr zdromsin dhe ia hoqën nga këmbët njëherë e mirë.

Tani këto ditët e para ka pak ankth, stres, mërzi, mezi përballohet, por do të ketë fakte, dokumente e prova që do të tregojnë se nuk është thjesht “çorbë” që nuk i pëlqen kryeministrit, por është një “gjellë” kaq e shijshme sa vetë Rama do të na thotë “faleminderit për gatimin e shkëlqyer zotërinj prokurorë dhe gjyqtarë”. Gjithsesi, qoftë dhe “çorbë” do t’i pëlqejë edhe Edi Ramës./CNA





Lajmet e fundit nga