web counter
LEXO PA REKLAMA!

SHKARKO APP

App Store
Google Play

E fundit!

x

Heshtja kriminale e partnerëve të Shqipërisë

18 Shkurt 2025, 12:37, Editorial CNA

Heshtja kriminale e partnerëve të Shqipërisë

Prej datës 10 shkurt, që kur kryebashkiaku Erion Veliaj është arrestuar në zyrën e tij në Bashkinë e Tiranës, për akuzat për korrupsion dhe pastrim parash, ka pasur një sulm brutal ndaj prokurorëve dhe gjyqtarëve qoftë nga administratat e urdhëruara po ashtu dhe nga kryeministri i vendit, Edi Rama, i cili deri para këtij momenti refuzonte të reagonte për arrestimet e zyrtarëve të PS-së dhe shprehte mbështetjen ndaj drejtësisë.

Rama ka dalë duke folur me një gjuhë kërcënuese ndaj prokurorit dhe gjyqtarit të çështjes së Veliajt, duke ushtruar presion dhe shantazhuar.

Por ajo që ndodh është se ka një heshtje kriminale të partnerëve të Shqipërisë.

Ambasada e SHBA-së, BE-së, Ambasada Britanike, partnerët e Shqipërisë, vendet që kanë investuar në Reformën në Drejtësi sapo ndodhnin arrestimet për korrupsion, sulmet e Berishës ndaj SPAK-ut, sulmet e Ilir Metës ndaj SPAK-ut reagonin, kërkonin që të lihej drejtësia të bënte punën e saj, në anën e tyre ishte dhe kryeministri, por çfarë ka ndodhur.

Me arrestimin e Erion Veliajt institucionet ndërkombëtare, diplomatët, heshtin dhe nga ana tjetër është “çmendur” kryeministri ynë, i cili nuk po pyet më.

Njeriu, i cili thoshte “Rroftë Reforma”, tani thotë “Poshtë Reforma” se i morën hajdutin e tij të kapur me fakte, prova dhe dokumente.

Gjithçka është e provuar.

Por ai që është më i rëndësishëm është reagimi i ndërkombëtarëve, heshtja e tyre, sepse Shqipëria po dëmtohet.

Po dëmtohet në hapat e saj drejt BE-së dhe kapitujt e çelur në diskutimet me BE-në. Goditja e drejtësisë nga kryeministri është një akt i shëmtuar politik, nuk është një standard europian.

Heshtja e ambasadës së SHBA-së është një tjetër shenjë e keqe sepse dikush duhet të frenojë kryeministrin tonë të dalë nga kontrolli që të ushtrojë shantazh, presion dhe të kërcënojë gjyqtarë dhe prokurorë për të kërkuar si qëllim final lirimin e një hajduti të pushtetit, asgjë më shumë sesa kaq./ CNA





Lajmet e fundit nga