web counter
LEXO PA REKLAMA!

SHKARKO APP

App Store
Google Play

Socialistët që i mungojnë Rilindjes

7 Mars 2025, 13:25, Editorial CNA
Socialistët që i mungojnë Rilindjes
Edi Rama, kryeminister

Partia Socialsite është një forcë e madhe politike, që prej 12 vitesh qeveris vendin. Opinioni publik është i ndarë. Sondazhet tregojnë që sërish shumica e shqiptarëve e mbështesin kryeministrin Rama.

Opozita e drejtuar nga Sali Berisha hedh akuza të forta. Shumë prej zyrtarëve të lartë të PS-së, kryetarë bashkish, etj., janë nën akuza për korrupsion, disa janë të arrestuar, disa ndiqen në gjendje të lirë. Koncesione, skandale, afera, akuza, kundërakuza etj.

Por çfarë i mungon sot Partisë Socialiste?

Përtej asaj makinerisë së madhe që thotë kryeministri, që punon çdo ditë, që është PS-ja, asaj i mungojnë socialistët e vërtetë.

Dje, CNA solli një material ku e identifikonte me emrin e Ditmir Bushatit, por ka dhe mjaft emra të tjerë.

Po flasim këtu për socialistët me kontribute, të ndershëm, që mund të jenë plot, diku në rreshtat e asaj partie, por nuk shfaqen.

Ndoshta nuk janë aq servilë sa 99-çat apo disa nga këta të sektit të Rilindjes brenda socialistëve që kontrollojnë gjithçka që ndodh në qeverisje.

Partia Socialiste ka bërë goxha hapje, forume rinore, anëtarësime, veprime organizative, por deri tani kryeministri Rama nuk ka sjellë “buqetën” e socialistëve të vërtetë që mund të jenë surpriza apo të rikthyerve, të atyre që dikur i ka ndëshkuar se kanë thënë një fjalë më tepër, por që fjala e tyre në fakt mund të ketë pasur dhe peshë.

Edi Rama ka nevojë të dëgjojë dhe të lexojë, të dëgjojë ata që e kritikojnë, ata që janë luajalë me të, jo servilët të cilët në çdo kohë rezultatin e kanë të zgjidhur. Do përfundojnë të korruptuar, do bëjnë dëme, do bëjnë gjëmën dhe asgjë më shumë sesa kaq.

Partia Socialiste ka nevojë për socialistët e vërtetë, për shumë nga burrat dhe gratë intelektuale të saj që janë të struktura, që nuk po shfaqen deri tani, nuk po i shohim më as në një qasje publike, një elitë që mund të ndryshojë një pjesë të madhe të deputetëve apo të përfaqësimit të PS-së sepse kemi një parlament ku mazhoranca ka deputetë që flasin sa gishtat e duarve. Flet kryetari i grupit Niko Peleshi, Toni Gogu, Erion Braçe ndonjëherë flet dhe Xhafaj dhe më pas flasin ministrat.

Pjesa tjetër me rreth 60 deputetë është thjesht dhe vetëm për të ngritur kartonin. Aty mund të ketë dhe intelektualë të vërtetë, por u ka ikur fjala, kanë gëlltitur gjuhën.

Ndaj duhet të shohim rikthimin e atyre që flasin, të shohim ata që hyjnë për të folur, për t’i dëgjuar, për të vepruar sepse vërtetë PS-ja ka nevojë të ndryshojë, është një forcë e madhe dhe pasuri kombëtare shqiptare, e cila duke vrarë bijtë e saj më të mirë i sjell dëm vendit dhe e kundërta do të ndodhë nëse është më e hapur, më e çlirët dhe më pak komplekse se dhe pa asnjë problem mund të sigurojë dhe një mandat të katërt në rast se di të sillet ndryshe, të ketë qasje me socialistët, me të vërtetën dhe të drejtën./ CNA





Lajmet e fundit nga