web counter
LEXO PA REKLAMA!

SHKARKO APP

App Store
Google Play

E fundit!

x

Griselda Roshi, përgjimet e Veliajt dhe Mero Baze

7 Prill 2025, 12:05, Editorial CNA

CNA ka publikuar deri tani dhjetëra faqe përgjimesh të kryebashkiakut të Tiranës, Erion Veliaj, nga burgu i Durrësit. Një skemë e qartë që ai dirigjion kanosje, sulme, sharje prokurorëve, gjyqtarëve, dirigjon media, përgatit vetë intervista, pyetje, përgjigje, propagandë, prodhon mashtrime, “fake news”, skenarë sikur prokurorët kanë marrë 2 milionë euro, gjyqtarët e kështu me radhë dhe këto shpërndahen në media dhe pa asnjë diskutim, tashmë të qarta sepse ç’ka thënë Erioni brenda në burg janë bërë jashtë në media.

Ka një ngjashmëri shumë të madhe me atë që ka ndodhur me rastin e Griselda Roshit. Po t’u kthehesh shkrimeve të atëhershme, ne po sjellim disa materiale të "Temës" dhe mediave të tjera të asaj kohe, u prodhua një skenar, një thriller i denjë për Hollywood, se si qe rrëmbyer Griselda, se si tre persona e kishin çuar në një vend, atje gati një mami i kishin marrë fëmijën, e kishin hedhur në rrugë. I shkoi dhe Rama atëherë në shtëpi. I gjithë skenari kalon nga Erion Veliaj dhe Mero Baze, i pari pas këtë material ua çoi edhe ndërkombëtarëve në atë kohë.

Griselda Roshi, përgjimet e Veliajt dhe Mero Baze

Griselda Roshi, përgjimet e Veliajt dhe Mero Baze

 

Është i vetmi njeri që del në gjurmë, që e merr këtë material dhe ua çon ndërkombëtarëve. Ua dha të gjitha institucioneve ndërkombëtare, Bashkimit Europian, ambasadave, ku thoshte se kishte ndodhur një krim i madh, kur në fakt ishte e gjitha një skenë mashtrimi. Të njëjtën gjë Erion Veliaj e përsërit nga burgu.

Flet me bashkëshorten, i kërkon këshillë Mero Bazes, i cili thotë: në fillim të dalë lajmi, pastaj dëshmitarët, pastaj të flasë Erioni. Dhe kështu ndodh, por gjithçka ngec rrugës, sepse e refuzon “KM”. Prodhohet lajmi në një portal anonim, gjithashtu prodhohet dhe një lajm tjetër që do merrte para dhe gjyqtari, por ngecet. Akuza doli për prokurorin Ols Dado se kishte kërkuar 2 milionë euro, por më pas lajmi u fshi.

Janë hequr dhe gjurmët, megjithëse SPAK-u e ka administruar atë si provë, sepse janë thirrur dëshmitarë, të cilët e kanë mohuar që të ketë ndodhur një gjë e tillë. Ashtu siç ndodhi me Griseldën, që më pas e mohoi t’i kishte ndodhur ai skenar makabër, që Erion Veliaj ua shiti ndërkombëtarëve.

Jemi përballë fakteve që përsëriten në kohë, me të njëjtët aktorë, me Erion Veliajn dhe me Mero Bazen. I pari është në 2011, tjetri në 2025.

Në fakt Mero shkruan se: Shyqyr që ka gjykata tani, se nëse ka vepra penale, atë duhet ta vendosë gjykata. Nuk ka diskutim që ka vepër penale, kanë funksionuar si një grup kriminal.

Çfarë është një grup kriminal? Ka një drejtues, ka disa zbatues, ka dhe disa financues.

Drejtuesi në këtë rast është vetë Erioni nga burgu që urdhëron dhe Mero është zbatuesi që orienton. Disa gjëra i bën vetë, disa gjëra i bëjnë të tjerët, bashkëpunon dhe Carlo.

Paratë i paguan vëllai i Erionit, Arbër Veliaj. Çfarë ka një grup? Një kokë, zbatuesit dhe financuesit.

Koka është Erioni, zbatuesit janë mediat, financuesi është Arbër Veliaj, i këtyre mediave që kanë bërë këto veprime.

Dje ishin në opozitë, sot e bëjnë në pushtet. Më poshtë po sjellim disa foto nga shkrimet e asaj kohe dhe reagimet e Erion Veliajt në lidhje me çështjen e Griseldës, që ka një ngjashmëri thuajse totale me atë çfarë ndodhi gjatë ditëve që ishte gjyqi i tij në Gjykatën e Apelit./ CNA

Griselda Roshi, përgjimet e Veliajt dhe Mero Baze

Griselda Roshi, përgjimet e Veliajt dhe Mero Baze

 

Griselda Roshi, përgjimet e Veliajt dhe Mero Baze

 

Griselda Roshi, përgjimet e Veliajt dhe Mero Baze





Lajmet e fundit nga