web counter
LEXO PA REKLAMA!

SHKARKO APP

App Store
Google Play

Pse Lulzim Basha nuk del në protestë

2024-02-25 13:13:00, Editorial CNA
Pse Lulzim Basha nuk del në protestë
Lulzim Basha

Kreu i Partisë që u ka vjedhur "vulën" demokratëve, Lulzim Basha, deklaron se është opozitar, se po lufton Edi Ramën, se pala tjetër ka marrëveshje, po i shërben jetëgjatësisë në pushtet, kryeministrit e kështu me radhë.

Në datën 20 shkurt, Berisha dhe 43 deputetë të PD-së shkuan në një protestë përpara Kryeministrisë. Ish-kryeministri ndodhet në arrest shtëpie, por me mijëra qytetarë u vërshuan në rrugë, deputetët u mblodhën përfshi edhe disa që quhen mbështetës të Lulzim Bashës, që nga Jorida Tabaku e të tjerë.

Është shumë e thjeshtë për t’u kuptuar, tashmë se kujt i takon, e kujt është Partia Demokratike, kujt i takon ajo vulë, demokratëve apo një grupi maskarenjsh që i keqpërdor Edi Rama, disa deputetë, disa politikanë, kush për tenderë, kush për kunatin, kush për miliona euro.

Është shumë e thjeshtë, në rast se Lulzim Basha ka shumicën e demokratëve, pasi partia është një garë, është një demokraci, është një votë që zgjidh, Luli të dalë në protestë, të na tregojë sa njerëz ka, ku i ka njerëzit. Ka ngelur brenda disa klubeve dhe mejhaneve të Tiranës, gjoja duke thënë se po bën zgjedhjet në struktura, kur në fakt nuk e ndjek kush nga pas. Ka ngelur me 7-8 veta.

Mjafton të dalë në shesh, të na tregojë sa njerëz ka me vete, e në rast se ka edhe ai po shumë njerëz, të dyja palët hapin një garë, bëjnë një palë zgjedhje, administrohet një proces dhe mbyllet historia, kush është i Ramës e kush është i demokratëve.

Por Lulzim Basha nuk e bën asnjërën nga këto.

Pse Lulzim Basha nuk del në protestë
Lulzim Basha

Së pari sikur të kandidojë edhe me Ilir Arapin rojen e PD-së, ai do të humbasë. Kjo është e sigurt, Luli, Ilirin mund ta mundë edhe në zgjedhjet e 2013 apo 2017, kohë kur e mbështeste Berisha.

Luli nuk hyn në garë në parti. Ai kishte frikë nga gara me Eduard Selamin dhe manipulonte votat, imagjinoni ç’do të ndodhë tani të bëhet një garë mes tij dhe një kandidati tjetër brenda PD-së, edhe sikur të përjashtosh Berishën.

Luli nuk bën miting, nuk bën protestë sepse nuk do të shqetësojë Edi Ramën. Nga ana tjetër nuk do të tregojë që nuk ka njerëz. Ai si gjithmonë fshihet pas letrash, procedurash, ikjesh dhe kthimesh dhe sillet si vasal pushteti.

Protesta e 20 shkurtit tregoi që opozita e vërtetë është me shumicën e deputetëve me grupin parlamentar të saj. Përtej çdo kritike që mund të ketë çdo media dhe individ përfshi edhe ne të CNA kundër Gaz Bardhit e shumë personazheve të tjera, shumica e grupit parlamentar është atje dhe është reale dhe ajo është e vërtetë dhe ajo drejtohet nga Gazment Bardhi që e kanë njohur të gjithë.

Lulzim Basha shumicën e grupit nuk e njeh, shumicën e deputetëve nuk i njeh, shumicën e kryesisë nuk e njeh, shumicën e këshillit kombëtar nuk e njeh, shumicën e kryetarëve të degëve nuk i njeh dhe këto të gjitha janë shumica absolute, tek-tuk ndonjë kokërr morri shkon pas Lulzim Bashës dhe më fyesja është se nuk njeh shumicën e demokratëve dhe u ka marrë peng partinë dhe vulën, si gjithmonë me stilet e tij me procedura.

Prandaj dhe Lulzim Basha nuk del në protestë, prandaj dhe Lulzim Basha nuk tregon që është shumicë brenda PD-së.

Tashmë një gjë është pak, por e sigurt, shumica e demokratëve nuk janë me Lulzim Bashën.

Janë në një linjë tjetër, ka nga ata që duan ende Berishën, ka nga ata që duan një emër tjetër, ka nga ata që mbështesin alternativa bashkimi apo drejtimi me forma të tjera, por të gjithë janë bashkë dhe asnjë nuk është me Lulzim Bashën.

Lulzim Basha është pakicë dhe mund të quhet pakica e maskarenjve që duan shkatërrimin e opozitës dhe jetëzgjatjen e pushtetit të Rilindjes./CNA 





12:51 Editorial Elvi FUNDO

Who controls SPAK?!

The institution that emerged from the Justice Reform, SPAK...

17:09 Editorial

IT'S RUNNING TIME

Now more is really expected from SPAK. The internation...

Lajmet e fundit nga