web counter
LEXO PA REKLAMA!

SHKARKO APP

App Store
Google Play

E fundit!

x

Mos ia thoni njeriu, Luli takoi fshehurazi Blinken-in

17 Shkurt 2024, 13:22, Politikë CNA
Mos ia thoni njeriu, Luli takoi fshehurazi Blinken-in
Lulzim Basha

Dikujt mund t’i duket e pabesueshme, por edhe kjo ka ndodhur.

Luli, tashmë, për të gënjyer të tijët si zakonisht, ka dalë me tezën e re “takova fshehur Antony Blinken, por nuk mund të jap të dhëna se është çështje protokolli”.

Gënjeshtra spektakolare e Lulzim Bashës ka filluar të marrë dhenë, pas vendosjes së tij me shpatulla pas muri, nga njerëzit afër tij. Megjithëse, i kanë ngelur një grusht besnikësh, qesharakë shumica, apo njerëz të korruptuar që mbante pas në Bashkinë e Tiranës, edhe këta të fundit kanë filluar t’i kërkojnë llogari.

Me vizitën e Sekretarit të Shtetit, Antony Blinken, Lulzim Basha, i cili e ka shpallur veten edhe pro-amerikani më i madh në vend, ngeli me gisht në gojë.

Mos ia thoni njeriu, Luli takoi fshehurazi Blinken-in
Antony Blinken teksa mbërriti në Rinas

Askush nuk e priti, askush nuk e përfilli, edhe vetë Sekretari Blinken tha se nuk kishte pasur kohë për opozitën, një herë tjetër kur të vinte, do të krijonte një mundësi takimi me ta.

Lulzim Basha, prej shumë kohësh e mban veten si pro-amerikani më i madh, si mëkëmbësi i Departamentit të Shtetit në Shqipëri dhe i zgjedhuri i tyre për të qenë në krye të PD-së, por tashmë, edhe më qesharakët rreth tij, më infantilët e kuptuan, se ai tallet me ta dhe i gënjen. 

Mos ia thoni njeriu, Luli takoi fshehurazi Blinken-in
Lulzim Basha

Sekretari Blinken nuk e priti "pro-amerikanin" e madh Lulzim Basha, as Alibeajn e tij, as Joridën e cila shfaqet shpesh si Sekretare Shteti, apo si zv-presidente e Amerikës. Asnjë prej tyre nuk u takua, nuk u përfillën. Ka fjalë se mund të ketë takuar fshehur edhe Edvin Kullurin por kjo mbahet sekret nga CIA që e ka negociuar takimin.

 

Mos ia thoni njeriu, Luli takoi fshehurazi Blinken-in
Jorida Tabaku dhe Lulzim Basha

Kuptohet që pjesa tjetër e Berishës, dihet që nuk do të takohej pasi Berisha është non-grata, por këto pro-amerikanët që kanë marrë peng vulën e PD-së, ngelën me gisht në gojë. 

Por tani më e bukura është që kanë filluar të gënjejnë dhe t'i tallin njerëzit duke iu thënë se "ka pasur një takim sekret Luli, është takuar fshehur dhe kjo nuk i duhet thënë kujt, por ta dimë vetëm ne". 

Pastaj fillojnë gënjeshtrat e tjera, që zbulohen lehtësisht, kur në fund të ditës në dalje mediatike, njerëzit e Bashës, Alibeaj me shokë dalin dhe bërtasin për t'u futur në qeveri me Edi Ramën. 

Ky është pro-amerikani i madh Luli që nuk e ka më njeri në llogari dhe e kanë hedhur si një leckë të shtrydhur, pasi kanë fshirë çimenton nga pisllëqet./CNA 





Lajmet e fundit nga