web counter
LEXO PA REKLAMA!

SHKARKO APP

App Store
Google Play

Blinken, asnjë takim me opozitën/ Si e komenton Bardhi

16 Shkurt 2024, 13:23, Politikë CNA
Blinken, asnjë takim me opozitën/ Si e komenton Bardhi
Gazment Bardhi

Kreu i Grupit Parlamentar të PD-së, Gazment Bardhi, ka folur pas takimit me partitë opozitare për krijimin e Federatës së opozitës së Bashkuar. 

Në një prononcim për mediat ai tha se përçarja e opozitës ka qenë dhurata më e mirë për Ramën dhe se janë bërë bashkë për të mundur ‘regjimin’.

"Biem dakord të gjithë që kjo është një ditë e mirë për opozitën. Pas bashkimit në diveristet të PD, sot kemi edhe bashkimin e të gjitha forcave që janë deklaruar në opozitë, duke formalizuar federatën e opozitës së bashkuar. Në dy vite opozita e përçarë ka qenë dhurata më e mirë për qeverinë e Ramës. Cilido që është i përgjegjshëm në raport me atë që presin qytetarët, sot ka marrë një mesazh të mirë që jemi bërë të gjithë bashkë për të kundërshtuar deri në rrëzim regjimin e Ramës dhe për t’u bërë alternativë serioze", tha Bardhi.

Më tej ai u ngacmua nga gazetarët edhe për vizitën e sekretarit Amerikan të Shtetit Antony Blinken, i cili nuk takoi dje asnjë përfaqësues të opozitës. Bardhi tha se kjo nuk ishte parashikuar në agjendën e tij, për shkak të mesazheve që përcolli.

"Siç besoj nuk është çështje kohe, por mesazhesh që ka dhënë Sekretari amerikan i Shtetit, në varësi të tematikave të diskutimit është ndërtuar edhe agjenda. E rëndësishme është ruajtja e paprekur e aleancës strategjike me SHBA-në dhe partnerët strategjikë", - tha Bardhi./CNA 





Lajmet e fundit nga