web counter
LEXO PA REKLAMA!

SHKARKO APP

App Store
Google Play

Rama, mesazh Kosovës/ Pa SHBA-në s'do ishit shtet, mos hidhni hapa pa konsultime"

15 Shkurt 2024, 17:52, Politikë CNA
Rama, mesazh Kosovës/ Pa SHBA-në s'do ishit shtet, mos hidhni
Kryeministri Edi Rama

Kryeministri Edi Rama foli për Kosovën në konferencën e përbashkët me sekretarin amerikan të shtetit Antony Blinken.

Rama tha se tensionet Kosovë-Serbi ishte temë diskutimi8 me Blinkenin, ndërsa deklaroi se ka parë hapa mbrapa në arritjen e një dialogu.

Kreu i qeverisë deklaroi se pa SHBA-në nuk do të kishte një shtet të pavarur të Kosovës.

Ai theksoi se Kosova nuk është një interes i dorës së dytë për SHBA-në dh Shqipërinë, ndaj kërkoi që të pranojë kërkesat e propozuara në tryezë nga partnerët ndërkombëtarë.

“Është mirë që qytetarët në Kosovë të mos e harrojnë se pa SHBA-në nuk do të kishte një shtet të pavarur të Kosovës sepse interesi i SHBA për mbarëvajtjen e punëve në Shqipëri dhe Kosovë nuk është një interes i dorës së dytë, nuk është as një interes i ndarë në çdo aspekti për të ndërtuar një të ardhme me paqe dhe prosperitet për gjeneratat e tjera. Padiskutim që ne ndjehemi të keqardhur sa herë që shohim hapa mbrapa dhe jemi të vetëdijshëm për vështirësinë e këtij dialogu, për dhimbjen e plagëve të një tragjedie jo shumë të largët për ata që jetojnë në Kosovë, për sulmin terrorist në Banjskë Serbia nuk është se e ndihmon si duhet procesin, por shqiptarët duhet të jenë të vetëdijshëm që është në interesin tonë që të përparojë në realizimin e të gjitha atyre kërkesave që janë në tryezën e dialogut. Kërkesat nuk janë shtrënguese, nuk janë kërkesa që Kosova të lëshojë një milimetër nga sovraniteti, dinjiteti i saj”, u shpreh Rama.

Kryeministri sugjeroi që Kosova “të mos bëjë asnjë hap të pakonsultuar dhe të pakoordinuar me aletaët strategjikë”./ CNA





Lajmet e fundit nga