web counter
LEXO PA REKLAMA!

SHKARKO APP

App Store
Google Play

Rama zbardh diskutimet me Blinkenin/ Reforma në Drejtësi theu standardin e pandëshkueshmërisë

15 Shkurt 2024, 18:09, Politikë CNA

Rama zbardh diskutimet me Blinkenin/ Reforma në Drejtësi theu

Dejtësia ishte një nga temat e diskutimit në tryezën e kryeministrit Edi Rama me sekretarin amerikan të shtetit, Antony Blinken.

Këtë e bëri të ditur Rama në konferencën e përbashkët për shtyp.

Rama tha se tashmë është e mundur që njerëz në pushtet, të lidhur edhe me pushtetin ekzistues ekzekutiv të thirren për të dhënë llogari përpara ligjit për shkelje të ligjit.

“Dua ta falënderoj publikisht sekretarin e Shtetit për çka kemi thënë për të gjitha kontaktet me miqtë amerikanë për mbështetjen e pa zëvendësueshme për transformimin e Shqipërisë nga një vend ku nuk ka pasur kurrë drejtësi dhe ku kultura e pandëshkueshmërisë ishte standardi që i bënte qytetarët e këtij vendi të besonin se asnjëherë nuk do të ishte e mundur që ligji ishte i barabartë për të gjithë, duke na mundësuar që sot edhe në Shqipëri si në çdo vend ambicioz është e mundur që njerëz në pushtet të lidhur edhe me pushtetin ekzistues ekzekutiv të thirren për të dhënë llogari përpara ligjit për shkelje të ligjit. Kjo është diçka, peshën dhe vlerën e së cilës Shqipëria do ta konceptojë shumë vite më pas.

Kur nisëm përpjekjen për reformën në drejtësi ne morëm mbështetjen nga aleatët tanë dhe të gjitha anketimet gjenim një mbështetje masive përtej polarizimit tradicional politik. Nuk është sekret Zoti Sekretar që këtu ne e kemi problem të gjejmë konsensus edhe për orën. Nëse pyesim sa është ora, kemi një orë të majtë, të djathtë dhe të qendrës. Monumenti i pandëshkueshmërisë dhe miti i të pushtetshmit mbi ligjin erdhi”, u shpreh ai./ CNA





Lajmet e fundit nga