web counter
LEXO PA REKLAMA!

SHKARKO APP

App Store
Google Play

Zbardhet marrëveshja mes partive opozitare, kush janë firmëtarët

16 Shkurt 2024, 12:13, Politikë CNA

Zbardhet marrëveshja mes partive opozitare, kush janë

Zbardhet marrëveshja e firmosur mes disa partive politike opozitare në vend, që kanë si qëllim mbajtjen e zgjedhjeve të lira dhe të ndershme.

Kjo marrëveshje mban firmat e Sali Berishës, Ilir Metës, Agron Dukës, Fatmir Mediut, Vangjel Dules, Nard Ndokës, Artur Roshit, Ardiatik Alimadhi, Ylber Valteri, Arian Starova dhe Sali Shehut.

Pjesë nga marrëveshja:

Duke qenë të ndërgjegjshëm mbi nevojën për rikthimin e pluralizmit dhe demokracisë funksionale, krijimit të shpresës dhe besimit tek qytetarët, dhe nevojën që opozita të ngrihet në përgjegjësitë e saj, për të mbrojtur dhe përfaqësuar interesat e shqiptarëve, përmes një politike që tejkalon debatin rreth liderëve politikë, por që bashkohet rreth ideve me interes kombëtar, mundësimin e Integrimit Europian dhe një demokraci Institucionale;

1. Institucionalizimin e Federatës së Opozitës së Bashkuar, sipas parimit "Edhe pse të ndryshëm, kemi një qëllim të përbashkët, ndërtimin e një Shqipërie Europiane", ku përfshihen të gjithë faktorët politikë parlamentarë dhe relevant opozitar, të cilët marrëdhënien dhe bashkëpunimin opozitar, e cmojnë si detyrim dhe jo marrëveshje që fuqizojnë qeverinë dhe antikushtetutshmërinë.

2. Rikonfirmojmë vendosmërinë për t'u përballur me regjimin e korruptuar dhe të kriminalizuar të Edi Ramës, që gjatë qeverisjes së tij ka shndërruar Shqipërinë në vendin e pamundësive për shqiptarët e ndershëm dhe po detyron rininë të braktisë vendin për shkak të pamundësive ekonomike.

3. Shpallim:

i) "garantimin e zgjedhjeve të lira dhe të ndershme", përmes realizimit të një Reformë Zgjedhore kuptimplotë dhe për adresimin e të gjitha rekomandimeve të ODIHR-it, që siguron një kuadër zgjedhor gjithëpërfshirës dhe të qëndrueshëm, si dhe

ii) "nevojën për të koordinuar përpjekjet për rikthimin e pluralizimit dhe demokracisë funksionale",

si dy prioritete kryesore të axhendës politike të opozitës./CNA 

Zbardhet marrëveshja mes partive opozitare, kush janë

Zbardhet marrëveshja mes partive opozitare, kush janë





Lajmet e fundit nga