Berisha “non grata” në SHBA/ Basha "justifikon tradhtinë": Pa asnjë bazë konkrete

19 Maj 2021, 17:50, Politikë CNA

Kryetari i Partisë Demokratike, Lulzim Basha, ka reaguar pas vendimit të Derpartamentit amerikan të Shtetit për të shpallur ?non grata? ish-kryeministrin Sali Berisha dhe familjen e tij.

Basha ka justifikuar tradhtinë e tij ndaj Berishës, duke thënë se ndjen keqardhje për vendimin e sekretarit amerikan Antony Blinken, të cilin e quan pa baza konkrete.

Ashtu siç paralajmëroi edhe CNA.al, kreu i opozitës doli me një deklaratë publike duke thënë fjalë diplomatike dhe duke u sjellë si lider perëndimor, gjasme në mbrojtje të Berishës.

Kjo pasi është vetë Lulzim Basha personi që ka dhënë miratimin e tij për ndëshkimin zyrtar të Sali Berishës nga Amerika.

Duke dhënë ?OK? nëpërmjet grupeve të lobimit dhe këshilltarëve të tij ai pranoi që Sali Berisha të ndëshkohej dhe PD të humbë duke ulur kokën dhe duke mos thënë asnjë gjë për një akt i cili sot nuk është vetëm ndëshkimi i Berishës, por është një ndëshkim për PD dhe demokratët.

?U njoha me keqardhje me vendimin e Sekretarit të Shtetit për ish Presidentin dhe ish kryeministrin Sali Berisha.

Duke nënvizuar qëndrimin e z. Berisha, i cili pasi shpreh keqardhjen për vendimin dhe e konsideron atë pa asnjë bazë konkrete, bëj thirrje për transparencë të plotë mbi çdo fakt e dokument që ka lidhje me këtë vendim.

Dr. Berisha është padyshim udhëheqësi shqiptar që ka dhënë kontributin më të çmuar për zhvillimin e vendit dhe forcimin e demokracisë, dhe çoi miqësinë dhe aleancën strategjike të Shqipërisë me SHBA në nivelet më të larta.

Gjatë kohës që z. Berisha ishte Kryeministër, Shqipëria përmbushi të gjitha reformat e nevojshme për anëtarësimin në NATO, si dhe marrjen e statusit të vendit kandidat për në Bashkimin Europian, ku lufta ndaj korrupsionit dhe krimit të organizuar ishin kryekushte. Në të gjitha këto arritje partner kyç i Qeverisë Shqiptare ishin Shtetet e Bashkuara të Amerikës.

Për fat të keq, ndryshe ka ndodhur në këto 8 vite, ku për shkak të korrupsionit masiv në çdo sektor dhe lidhjeve të pushtetit me krimin e organizuar, Shqipëria ka mbetur në vendnumëro në zbatimin e reformave që i duhen vendit, si anëtar i NATO-s dhe aspirant për vend anëtar i Bashkimit Europian.

Vendimi i sotëm i Sekretarit të Shtetit nuk cënon arritjet madhore të Shqipërisë nën drejtimin e Sali Berishës, kontributin e tij madhor në demokratizimin e Shqipërisë dhe reformat që e afruan vendin me partnerët tanë Euro-Atlantikë, dhe aq më pak marrëdhënien e shkëlqyer të Partisë Demokratike me Shtetet e Bashkuara të Amerikës.

Ne i konsiderojmë SHBA aleatin tonë strategjik më të rëndësishëm për Shqipërinë, dhe luftën ndaj krimit të organizuar dhe korrupsionit si prioritet absolut kombëtar.

Partia Demokratike është e vendosur të vazhdojë pa asnjë kompromis luftën kundër korrupsionit dhe krimit të organizuar, në dobi të demokracisë, shtetit të së drejtës, transparencës dhe mirëqenies së Shqipërisë dhe kombit shqiptar?, shkruan Basha në rrjetet sociale./ CNA.al

Basha tradhton Berishën/ Jep “OK” për ndëshkimin e tij