web counter
LEXO PA REKLAMA!

SHKARKO APP

App Store
Google Play

E fundit!

x

Çfarë presim nga Dumani?

2024-01-26 13:41:00, Editorial Elvi FUNDO
Çfarë presim nga Dumani?
Altin Dumani

Nga Dumani pritet një drejtësi me standarde. Kjo është e para dhe e dyta goditja fort dhe ndëshkimi i kastës politike të këtyre më shumë se 33 vite tranzicion të pandalshëm.

Së treti pritet goditja e pandëshkueshmërisë. Një drejtësi e vërtetë, jo vetëm veprime ndaj krerëve të opozitës, por edhe pushtetit, ashtu siç edhe Rama kërkonte dje, jo vetëm veprime ndaj pushtetit, por edhe ndaj opozitës.

Ndaj opozitës tashmë e gjithë kasta e saj është goditur, ka akuza të ngritura, Berisha ndodhet në "arrest shtëpie". Ndaj pushtetit është një ish-zv.kryeministër, i cili kishte ikur nga detyra, ende nuk ka një zyrtar në detyrë të prangoset, një ministër, një i korruptuar, por kjo me drejtësi.

Ka disa çështje, të cilat zgjaten dhe pritshmëritë janë të mëdha dhe megjithëse uji ka kaluar në shumë gurë ende nuk është kthjelluar.

INCENERTORËT/Çfarë pritet për inceneratorin e Tiranës? Taulant Tusha?

Një dosje e hetuar, me mijëra dokumente të publikuara, ndërkohë që u paguan dhjetëra miliona euro. Edhe pse çështja është denoncuar të paktën nga viti 2019 në CNA, pa folur për Elbasanin dhe Fierin që i kanë vënë kapak me Klodian Zoton dhe Mirel Mërtirin.

Çfarë presim nga Dumani?
Taulant Tushe

Shqiptarët po presin një drejtësi me standard se çështja nuk është se kë kërkon Rama, apo kë kërkojnë mediat, apo kë kërkon opozita të arrestohen. Jo! Standardi i drejtësisë, dosja e inceneratorëve, është tashmë e zbardhur, dokumentet janë të verifikuara, priten veprime, pritet drejtësia për 180 milionë euro të shqiptarëve.

ÇËSHTJA MCGONIGAL

Dosja “McGonigal” ka një hetim të plotë nga FBI-ja, ka një akuzë të ngritur nga prokurorët e SHBA-së, ka një McGonigal të dënuar, ka një McGonigal bashkëpunëtor, ka një Agron Neza bashkëpunëtor, na e tha “Zëri i Amerikës”.  Çfarë pritet? Pse nuk përkthehet dosja? Pse nuk veprohet?

SPAK-u ka vepruar me arrestime me SkyChat. Me një dosje në Amerikë të zbardhur, me një dosje si inceneratorët të zbardhur, me pronat e ushtrisë, ku gjeneralët e përfshirë në skandale promovohen dhe marrin detyra të rëndësishme ende, me kulla që jepen për McGonigal e të tjerë si këto, nuk ka veprime.

"5D"

Dosja 5D është një nga më voluminozet dhe mund të sjellë ristrukturimin e drejtorive në bashkinë e Tiranës. Shumica e drejtorëve presin me ankth prangat.

Nuk kanë gabuar pa dashje por janë zullumqarë të korruptuar sepse besojnë tek përjetësia e pushtetit. Këta nuk mund të lihen të bëjnë çtë duan sikur janë pashallarët e rinj të Tiranës.

TEATRI

Një ngjarje që shkaktoi një traum në opinon publik. SPAK në kaq kohë mjafton t'i jepte një përgjigje, por nuk mund t'i drejtohet gishti Dumanit për ata që flirtojnë me pushtetin dhe kjo dosje dhe sterilizimi e treguan qartë.

PRONAT NGA USHTRIA TEK INSTITUCIONET E TJERA

Nuk është vetëm ushtria e cila ka dhënë pasuri publike janë shumë institucione. E këto duhet të ndalen sepse pasuritë e shqiptarëve po jepen për një copë bukë dhe po bëjnë të pasur një klientelë të qartë korruptive pushteti.

KOHA SI ARMIK

Ajo që pritet nga Altin Dumani është ndoshta armiku i tij më i madh, koha dhe drejtësia. I vetëm e pamundur, te gjithë bashkë edhe më e lehtë. Ndërkombëtarët, me një mbështetje të paprecedentë në histori ndaj kreut të SPAK-ut, zotit Dumani, mirëpresin akte edhe më të forta drejtësie.

Mediat shumica janë pro, përtej përfituesve nga korrupsioni që duhet të jenë nën akuzë jo duke gjobitur, publiku është mbështetësi më i madh. Politika është armike dhe ky është lajm i mirë.

Është shumë i rëndësishëm parimi: “Më mirë 100 fajtorë jashtë sesa një i pafajshëm në burg”, por është shumë i rëndësishëm edhe fakti se shqiptarët kërkojnë drejtësi dhe e mbështesin fort SPAK-un. Por smund të presin pafund, siç pritë gjyshrit tanë dikur zbarkimin e anglo-amerikanë për 45 vite. Koha ndoshta vonon, por nuk harron.

 

Shqiptarët po humbasin shpresën se në këtë vend do të ketë drejtësi e drejtësia duhet të vijë jo thjesht dhe vetëm duke pritur, por dhe me akte dhe veprime konkrete sepse qytetarët shpresojnë dhe besojnë tek Altin Dumani, tek integriteti i tij dhe disa bashkëpunëtorëve të tij.

Ky mund të jetë një shans historik, prandaj ajo çfarë presim nga Dumani janë aktet e vërteta për luftën ndaj korrupsionit. Nuk janë pak dhe ato që janë kryer deri më tani, por nuk janë të mjaftueshme për të thënë se në Shqipëri ka drejtësi dhe luftë të vërtetë ndaj korrupsionit./CNA 

 





17:09 Editorial

IT'S RUNNING TIME

Now more is really expected from SPAK. The internation...

Lajmet e fundit nga