web counter
LEXO PA REKLAMA!

SHKARKO APP

App Store
Google Play

E fundit!

x

Kur Arjan Curi flet broçkulla dhe gënjen në "Top Story"

12 Shtator 2023, 12:24, Aktualitet CNA
Kur Arjan Curi flet broçkulla dhe gënjen në "Top
Arjan Curi

Arjan Curi kërkon gjithmonë të marrë vëmendje duke artikuluar, duke mbajtur qëndrim, por këto kur i thua me gënjeshtra apo me mashtrime në një nga emisionet me më shumë audiencë, që është "Top Story", në televizionin e inceneratorëve, mund të fillosh dhe të gajasesh.

Ndoshta nga padija, ndoshta nga injoranca, ndoshta dhe me qëllim, këtë nuk dimë ta themi, por fakti është një: Të tërheqë vëmendjen Curi në "Top Story", ku thotë se një biznesmen i kishte shkruar, i kishte bërë presion pse i kishte përmendur emrin e të tjera si këto.

Në fakt rezulton që e vërteta të jetë krejt ndryshe.

Pasi ka sulmuar biznesmenë të caktuar duke thënë se përfitojnë tenderë e të tjera, megjithëse nuk nxori asnjë fakt dhe asnjë provë pasi jo të gjithë biznesmenët punojnë me tenderë dhe këtë Arjan Curi bën mirë ta mësojë. Së dyti, tha se ishin të arratisur, në kërkim, e të tjera si këto. Reagimi i biznesmenëve ka qenë mjaft i thjeshtë.

Kur Arjan Curi flet broçkulla dhe gënjen në "Top
Arjan Curi

Dikush i ka shkruar Curit duke i thënë se në artikulimet e tij duhet të jetë i vërtetë pasi nuk ka persona të arratisur, ai ndodhet në Shqipëri, çon dhe 'location' dhe nuk është biznesmen që ka fituar tenderë publikë.

Por, Curi me reagimin e biznesmenit për të thënë të vërtetën dhe për të bërë një sqarim publik pasi po shpif dhe po gënjen publikisht, e quan presion apo shantazh.

“Në fund të këtij emisioni do të tregoj mesazhet e mia në 'WhatsApp'. Përgjatë emisionit, një nga këta biznesmenët më thotë që mos më përmend, ç’punë ke me mua, bëhu profesional. Tani si mund të bëhem profesional dhe mos ta përmend, është tjetër histori.

Më ka ardhur tani 'live'. Nuk do ta kisha thënë fare, por meqë ra muhabeti.

Nuk mundet që unë, meqë kam një kërkesë apo ndoshta nesër-pasnesër mund të bëhet dhe një konflikt, të mos them gjërat që mendoj. Kjo është kostoja jonë si njerëz të medias, ne marrim kosto që edhe të kërcënohemi dhe shantazhohemi nga kolegët tanë që janë kërcënuar edhe me jetë, atëherë i bie që të mos dalim fare në emisione. E njëjta gjë edhe për kanalet sa herë që kërcënohen nga biznesmenë nuk do të thotë që s’duhet të flasin”, ka thënë Curi.

Tani dikush mund ta marrë ekranin dhe ta përdorë si lavatriçe apo si pushkë, një ekran kombëtar në fakt që më shumë sesa i tillë është ortaku i aferës së inceneratorëve, i miliona të eurove në bashkëpunim me Mirel Mërtirin dhe Klodian Zoton dhe nga ana tjetër një televizion bëhet qesharak kur dikush, i cili e përdor në mënyrë të turpshme ekranin për të anatemuar dhe shpifur ndaj biznesmenëve, kthehet në një çifte që shkrehet për qëllime të errëta.

Arjan Curi mori një përgjigje me mesazh për të thënë që biznesmenët nuk ishin arratisur dhe biznesmenët në fjalë nuk merrnin tenderë, por Curit nuk i erdhi mirë dhe gënjeshtra e tij vazhdon sërish.

Por pas kësaj, pyetja që lind natyrshëm është: "Si arratiset dikush kur nuk është i akuzuar apo në kërkim?"

Është zgjedhje të gënjesh dhe është zgjedhje të thuash të vërtetën, është zgjedhje të bëhesh pjesë e ekranit të inceneratorëve për t'u përdorur si mish për top në mbrojtje të një grupi kriminal që ka marrë 170 milionë euro nga taksat e shqiptarëve apo biznesi privat në Shqipëri me inceneratorë që nuk punojnë dhe inceneratorët që nuk ekzistojnë.

Arjan Curi dje u kthye në një vegël të shëmtuar duke humbur profesionalizmin, ndoshta dhe dinjitetin publik dhe mediatik, për shkak se jo vetëm gënjeu një herë, por me vetëdije sërish gënjeu kur qetësisht dhe për interes të publikut biznesi i sqaroi se nuk ishte në arrati dhe nuk përfitonte tenderë.

Këta janë individë që me gazetarinë, më shumë sesa e vërteta, i lidh dalja në ekran, shpifjet dhe gënjeshtrat që tashmë janë të faktuara./ CNA

 





Lajmet e fundit nga