web counter
LEXO PA REKLAMA!

SHKARKO APP

App Store
Google Play

Shitja e “Top Channel”/ Gazetari Fundo ngre dyshimet, pse mund të jetë lojë

23 Mars 2023, 23:10, Aktualitet CNA
Shitja e “Top Channel”/ Gazetari Fundo ngre dyshimet, pse mund
Gazetari Elvi Fundo

CNA publikoi mbrëmjen e sotme dokumentat ekskluzive që tregonin se familja Hoxha i ka shitur 100% të aksioneve kompanisë “Western Media Conglomerate Investments LTD”.

Për shitjen e këtij televizioni kombëtar, gazetari Elvi Fundo ka ngritur disa dyshime. Fundo tha në emisionin e Ylli Rakipit se e gjithë kjo mund të jetë një lojë, pasi ndryshimi i pronarëve nuk del në QKB.

Së pari, ai deklaroi se shitja fiktive para një procesi gjyqësor është vepër penale.

Së dyti, gazetari theksoi se për çmimin e shitjes duhet të paguhen taksa.

“Është një person që quhet zonja Neidy Leoneli Gonzalez, pronarja e re e televizionit, e “Top Channel”. Në datën 14 janar. Ky është vendim “Top Channel” për shitjen e televizionit.

Ja dhe rezoluta e mbledhjes së aksionerëve. Ka një gjë të bukur, drejtoresha është në Belize, në një nga këto parajsat fiskale. Ka vetëm një dyshim. Kam idenë që mund të jetë dhe një lojë për çështjen e gjyqit. Është deklaruar 10 miliardë lekë shitja. Duhen paguar taksa për shitjen. Ka dhe një detaj. Shitja fiktive është vepër penale dhe e dyta për shitjen duhet të paguhen taksa. Shitje të tilla fiktive janë vepra penale.

Tek linja ligjore duhet kuptuar se shitje të tilla janë fiktive para proceseve gjyqësore që do të thotë janë prishur disa të drejta atje. S’ka pasur garanci në gjyq, pastaj kanë rrjedhur gjërat. Në atë kohë kujtojmë se “Top Channel” ishte media më e bukur në Shqipëri. E di sa e bukur ishte në janar? Nuk kishte televizion më të bukur se u bë opozitë.

Tani po dalin dokumentat, del një vendim gjykate, tani thonë rroftë Edi Rama, sa të lumtur jetopjmë me Rilindjen. Kjo është një lojë. Dokumentat janë këtu, në QKB nuk dalin. Kjo noterja e ka miratuar.

Mund të ndodhë si me inceneratorët me shitjen e famshme të “Lori Caffesë”, se i kanë kthyer aksionet ato, morën 2 milionë dollarët dhe i kanë kthyer aksionet prapë dhe ndoshta mos është një skemë e tillë”, theksoi gazetari./ CNA





Lajmet e fundit nga