Dy gjahtarët e Lulzim Bashës

3 Shtator 2023, 18:21, Aktualitet CNA

Lulzim Basha organizoi dhe një mbledhje, ku në një ambient i cili raportohet që në maksimumin e tij merr 1200 vetë deklaroi që ishin 4450 dhe Luli kishte jo pak, por plotë dy surpriza.

Në mbledhjen e tij private në një sallë ku shquheshin njerëzit e paguar nga familjarë të Lulit, njerëzit e lidhur me biznese, kryesisht dhe inatqinj të PD-së pa folur për pjesën tjetër që mund të jenë kundërshtarë të Berishës brenda Partisë Demokratike, dhe kjo është diçka krejt normale në politikë.

Në të gjithë atë mbledhje të madhe që Luli e quajti Kuvendin e tij, kishte dy surpriza që të kujtonin barcaletën e gjahtarit që shkonte të vriste ariun.

Surpriza e parë ishte vajtja e Edvin Kullurit, një personazh që nga 2013-ta deri në 2017 ka qenë një mbështetës i zjarrtë i Bashës dhe më pas u kthye në njeriun më të ashpër dhe kundërshtarin e Lulit sa nuk i ka lënë gjë pa thënë, deri te robtë e shpisë.

Dy gjahtarët e Lulzim Bashës

Tani shkon pas Lulit. Luli e ka futur në Këshill Kombëtar, do t’i japë një sekretariat apo një kockë me shpresën se mund të bëhet një ditë deputet. Kulluri në këtë historinë e tij, me Lulzim Bashën të kujton atë barcaletën e "gjahtarit me ariun", pasi Luli e ka gënjyer më shumë se dy herë. Pasi i qëllonte arriut i kërkonte mos ta hante por ti shërbente, aq shumë sa arriu i tha: - çfarë je ti gjahtar apo .........

Surpriza e dytë ishte Fatbardh Kadilli, që është pikërisht një nga kundërshtarët e fortë të Bashës pasi ky i fundit e mori, e përdori, e gënjeu në 2017-tën se do ta bëjë deputet, e gënjeu sërish në vitin 2021, e hodhi në kosh të plehrave.Kadilli doli duke sulmuar, sharë dhe akuzuar Lulzim Bashën, tani edhe ky u bë një lloj "gjahtari", as më pak e as më shumë, njësoj si Edvin Kulluri.

Dy gjahtarët e Lulzim Bashës

Këta emra si "gjahtarë", të dy janë surprizat e Kuvendit të Bashës, asgjë më shumë.

Nuk pati sepse Basha është po ai papagall politik që vazhdon përsërit të njëjtat gjëra nga 100 herë, ndryshe thotë e ndryshe bën. Nuk mund të kishte më shumë surpriza.

Luli nuk mundi dot të gjente 61 kandidatë për kryetarë Bashkie bëri një Kuvend me dy surpriza, gjeti dy gjahtarë tani ata quhen "gjahtarët e Lulit"./CNA