web counter
LEXO PA REKLAMA!

SHKARKO APP

App Store
Google Play

E fundit!

x

“Peshkaqeni” Sulejmani fshehu ngjarjen/ Protestë për 16-vjeçarin që humbi jetën në Llaman

3 Shtator 2023, 15:35, Aktualitet CNA

“Peshkaqeni” Sulejmani fshehu ngjarjen/ Protestë për

Një skandal u regjistrua më 15 gusht të këtij viti në Llaman të Vlorës, ku humbi jetën një 16-vjeçar.

Dy jet ski u përplasën me njëri-tjetrin dhe si rrjedhojë u plagosën dy të mitur, njëri prej të cilëve nuk u mbijetoi plagëve të marrë dhe u nda nga jeta pak ditë pas aksidentit në spitalin e Traumës.

Kjo ngjarje fillimisht u tentua të fshihej nga drejtori i Kufirit të Vlorës, Eduart Sulejmani, i cili njoftoi se dy të miturit ishin vrarë në shkëmbinj, pasi u hodhën në det nga lartësia.

Por kur mediat zbardhën të vërtetën, Sulejmani nxori një tjetër njoftim, ku pranonte se kishte mashtruar.

Kur ka kaluar më shumë se dy javë nga kjo ngjarje, familjarët e viktimës K. Xh. janë ngritur në protestë.

Ata kërkojnë të zbardhet aksidenti që i mori jetën 16-vjeçarit dhe paralajmërojnë se nëse nuk do të vendoset drejtësi, do të bëjnë vetëgjyqësi.

“Kemi ardhur këtu në vendngjarje për drejtësinë e djalit. Kjo që ka ndodhur mos t’i ndodhë kujt. Duam drejtësi deri në pikën e fundit. Në qoftë se nuk marrim drejtësi do bëjmë vetëgjyqësi”, tha babai i 16-vjeçarit Artur Xhaja për mediat.

Nga ana tjetër, daja i viktimës hodhi akuza mbi policinë për mungesën e kontrolleve në bregdet.

“Duhet të vihet drejtësia. U jepet motori fëmijëve 16 vjeç dhe bëhet ajo që u bë. Këtu nuk ka as kontroll asgjë”, deklaroi daja i djalit./ CNA





Lajmet e fundit nga