E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

U kap në skandal/ “Peshkaqeni” Sulejmani pranon mashtrimin

15 Gusht 2023, 22:29, Kronika CNA

Drejtori i Kufirit të Vlorës, Eduart Sulejmani, u përfshi sot në një tjetër skandal, pas atij të sulmeve ndaj bizneseve dhe njerëzve të pajisur me dokumente për të marrë haraçin.

Sulejmani mashtroi publikisht me një ngjarje të ndodhur në Llaman, ku u plagosën dy të mitur, njëri prej të cilëve rrezikon jetën.

Policia raportonte se dy shtetasit me iniciale D. K. dhe K. Xh., të moshave 17 dhe 16 vjeç, zbritën nga mjeti lundrues Jet Ski dhe u hodhën nga shkëmbinjtë në det, por morën dëmtime për shkak se ranë afër shkëmbit.

U hodhën nga një shkëmb në det, lëndohen dy të mitur në Himarë/ Njëri transportohet me helikopter në Tiranë
15 Gusht, 17:10

Në fakt, e vërteta qëndron ndryshe. Dëshmitarët treguan për mediat se të rinjtë u plagosën nga përplasja e dy Jet Ski-ve dhe për këtë ngjarje u shoqërua edhe pronari i mjeteve lundruese.

Tashmë, “Peshkaqeni” Sulejmani ka pranuar mashtrimin. Ai ka nxjerrë një tjetër njoftim për mediat, ku konfirmon plagosjen e të rinjve nga përplasja e mjeteve lundruese.

Sipas versionit të dytë, të miturit ishin në të njëjtin motor uji dhe janë përplasur me motorin e ujit që drejtohej nga dy shokët e tyre, po ashtu të mitur.

Rikthehen skandalet e Sulejmanit të detit/ Policia kufitare mashtroi publikisht
15 Gusht, 20:16

Por, “Peshkaqeni” Sulejman, për të shpëtuar “kokën” e tij, është justifikuar me pretendimin se dy shokët e të plagosurve kanë dhënë dëshmi të rremë.

Njoftimi i plotë:

Në vijim të veprimeve hetimore të kryera në drejtimin e Prokurorisë, për zbardhjen dhe dokumentimin e ngjarjes së ndodhur sot, në Llaman, ku aksidentalisht u dëmtua rëndë shtetasi K. Xh., 16 vjeç, nga Tirana dhe u dëmtua lehtë shoku i tij shtetasi D. K., 17 vjeç, po nga Tirana, specialistët për Hetimin e Krimeve të Komisariatit të Policisë Himarë kanë referuar materialet në Prokurori ku ka nisur procedimi penal për shtetasin U. K., 17 vjeç, për veprën penale “Plagosja e rëndë nga pakujdesia”.

Procedimi penal ka nisur edhe për shtetasin R. P., 56 vjeç, pronari i mjeteve lundruese Jet Ski, për veprën penale “Shkelja e rregullave teknike në punë”.

Gjithashtu, operatorit turistik me administrator shtetasin R. P., nga ana e Drejtorisë Vendore për Kufirin dhe Migracionin Vlorë i janë bllokuar menjëherë të gjitha mjetet lundruese Jet Ski.

“Peshkaqeni” Sulejmani kapet gjallë
6 Gusht, 21:14

Për arsye sigurie i është bërë pezullimi i aktivitetit me mjetet lundruese.

Nga hetimet ka rezultuar se:

Në Llaman, shtetasit K. Xh. dhe D. K., së bashku me shtetasit U. K. dhe R. P., 17 vjeç, nga Tirana (të katërt shokë me njëri-tjetrin) janë futur në det, me 2 mjete lundruese Jet Ski.

Gjatë manovrave në det, dyshohet se aksidentalisht dy mjetet lundruese janë përplasur me njëra - tjetrën dhe për pasojë janë dëmtuar drejtuesi i njërit mjet Jet Ski, shtetasi K. Xh. dhe pasagjeri, shtetasi D. K.

Shtetasi K. Xh., u transportua në Tiranë, për ndihmë mjekësore më të specializuar.

“Peshkaqeni” Sulejmani: Unë nuk pyes për kryeministër
31 Korrik, 11:31

Fillimisht, shtetasit U. K. dhe R. P., si pasojë e tronditjes, kanë dhënë dëshmi të rreme duke thënë se dy shokët e tyre u dëmtuan pasi u hodhën nga shkëmbi në det, por më pas, gjatë hetimeve, kanë deklaruar të vërtetën.

Të gjitha veprimet hetimore në lidhje me këtë ngjarje janë drejtuar nga prokurori dhe po në drejtimin e tij vijon puna për dokumentimin e plotë të kësaj ngjarjeje./ CNA