web counter
LEXO PA REKLAMA!

SHKARKO APP

App Store
Google Play

Veliaj vazhdon goditjet për degradimin dhe ndotjen e socialistëve

25 Qershor 2024, 20:04, Politikë CNA
Veliaj vazhdon goditjet për degradimin dhe ndotjen e socialistëve
Erion Veliaj, kryebashkiaku i Tiranës

Tashmë nuk ka as më të voglin dyshim asnjë socialist, asnjë politikan, asnjë gazetar që në mediat e paguara nga inceneratorët, në ato anonimet e të tjera ka filluar një sulm i pandalshëm ndaj shumë eksponentëve të Partisë Socialiste, deputetë, ministra, ish-ministra e kështu me radhë.

Diku në emër të moralit, që kur ky vjen nga 99-çat është si të bësh moral në një shtëpi publike. Diku në emër të korrupsionit, që të flasë për antikorrupsionin dosja “5D” është ulëritëse, e diku për shkak të hetimeve të SPAK-ut.

Po përdoren segmente të caktuara materialesh për të goditur ditë pas dite ministra, ish-ministra, deputetë, ish-deputetë jo me një qëllim moral për faktin se këta duhet të ikin pasi kanë abuzuar apo kanë shkelur ligjin dhe këtë sulm normalisht duhet ta bëjë opozita, por në fakt sulmi dirigjohet nga Erion Veliaj i cili po bën pis këdo në Partinë Socialiste.

Tashmë po hedh baltë mbi këdo që ka ngelur me apo pa përgjegjësi, ka apo s’ka akuza, ka apo s’ka të vërteta, por duke sulmuar për të relativizuar. Pra, që të gjithë jemi njësoj, të gjithë jemi pis, s’mund të ngrini dot dorën ndaj meje.

Dhe, këtë e bën që socialistët të mos i ngrenë nesër dorën dhe t’i thonë largohu nga drejtimi i Tiranës, ti nuk mund të jesh një prej nesh, cikli yt politik tashmë është mbyllur dhe Erion Veliaj këtë të fundit e di mjaft mire, por po përpiqet që të ngrejë sërish veten e tij duke relativizuar gjithçka, duke sulmuar këdo dhe faktet janë jo një, por me dhjetëra.

Këto nuk janë as thashetheme, nuk janë as hamendje, por janë të vërteta të mëdha se si sot në media po sulmohen njerëz të cilët nuk janë më ministra por kanë dhënë dorëheqjen apo njerëz në detyrë që nuk kanë asnjë lidhje për akuzat që u bëhen. Thjesht dhe vetëm që të hiqet mendja nga Erion Veliaj, të hiqet mendja nga dosja 5D, të hiqet mendja nga dosja e inceneratorëve.

Por çfarë fiton Erion Veliaj nga relativizimi?

Veliaj vazhdon goditjet për degradimin dhe ndotjen e socialistëve
Erion Veliaj

Erion Veliaj nga relativizimi mendon se mund të fitojë shumë. Mendon se mund të fitojë politikisht, mund të ketë shpresa për të ardhmen e tij politike e kështu me radhë por në fakt Erion Veliaj nuk ka më asnjë shpresë.

E ardhmja e tij politike ka vdekur ndërkohë që e shkatërruar dhe më tej është e ardhmja e tij dhe si kryetar i bashkisë së Tiranës, për detyrën e tij ndaj të cilit pritet që të ketë një përfundim të shpejtë të hetimeve pasurore, për shumë dosje, korrupsion e kështu me radhë, për të cilat do të duhet të mbajë përgjegjësi para ligjit dhe relativizimi me sulme dhe bërje baltë të kolegëve do ta çojë edhe më thellë, pasi Erion Veliaj jo vetëm që do të ngelet vetëm përballë drejtësisë, i braktisur nga të gjithë, por do ta pështyjnë në surrat edhe kolegët dhe miqtë e tij të cilët deri dje nuk e kanë besuar se çfarë mund të bëjë zdromsi i Bashkisë së Tiranës për lëkurën e tij./ CNA

 





Lajmet e fundit nga