web counter
LEXO PA REKLAMA!

SHKARKO APP

App Store
Google Play

Veliaj, asnjë fjalë për drejtorët hajdutë/ Merret me protestat e opozitës

23 Qershor 2024, 18:02, Politikë CNA
Veliaj, asnjë fjalë për drejtorët hajdutë/ Merret me
Kryebashkiaku i Tiranës, Erion Veliaj

Kryebashkiaku i Tiranës, Erion Veliaj, i ka shtuar daljet e tij mediatike me kasetë, dhe në secilën prej tyre nuk ngurron të sulmojë opozitën apo protestat para Bashkisë së Tiranës, ku denoncohen çdo javë vjedhjet e kryera nga drejtorët e Bashkisë së Tiranës, si dhe kërkohet që kryebashkiaku të mbajë përgjegjësi për to.

Veliaj jo vetëm nuk shfaqet përgjegjës për çfarë ka ndodhur në bashkinë e parë të vendit, por bën sikur këto vjedhje nuk kanë ekzistuar.

Në vend të tyre, temë e përditshme e takimeve të tij janë vetëm protestat, sikur ato të kenë mbirë nga hiçi dhe të mos jenë pasojë e shkakut që drejtorët e bashkisë krijuan, pra vjedhjet e fondeve publike.

Këtë të diel, Veliaj u ndal edhe te masa e arrestit dhënë për Berishën, duke thënë se kryedemokratin nuk e arrestoi ai.

“Vijnë aty dhe thonë ‘lironi babin’. Po ç’punë kam unë me babanë tuaj? Jam këtu që të shërbej si Kryetar i Bashkisë, jam këtu të mbledh mbeturinat, jam këtu të sigurohem që linja e Kopshtit Zoologjik të funksionojë. Jam këtu që të pastroj liqenin, që ujërat e zeza dhe fekalet të mos shkojnë atje. Jam këtu që të bëj kontratën e çerdhes dhe kopshtit. Jam këtu të ndërtoj 9-vjeçaren dhe gjimnazin. Unë nuk jam gardiani i babit të tyre. Dhe këta vijnë te bashkia dhe thonë ‘ndaloje ti punën që të dalë babi nga shtëpia’”, tha ai gjatë takimit me socialistët e Lagjes 13 në kryeqytet.

Ndryshimi mes PS dhe opozitës, sipas Veliajt është te qasja që kanë me drejtësinë, pasi sipas tij, PD-ja e përdor partinë për të sulmuar drejtësinë, ndërsa PS-ja ka dhënë kontributin e saj në ngritjen e kësaj drejtësie që u kërkon llogari të gjithëve dhe për fatin e tij të keq po i kërkon llogari edhe vetë kryebashkiakut./ CNA





Lajmet e fundit nga