web counter
LEXO PA REKLAMA!

SHKARKO APP

App Store
Google Play

E fundit!

x

Basha konfirmon CNA-në: Partinë e kam, duhet vetëm emri

22 Qershor 2024, 14:45, Politikë CNA
Basha konfirmon CNA-në: Partinë e kam, duhet vetëm emri
Lulzim Basha

Në një prononcim për mediat nga Vlora, Lulzim Basha ka konfirmuar lajmin e CNA për krijimin e një partie.

Ai theksoi se partinë e ka, por tani i duhet vetëm emri. 

"Partia politike ekziston. Ne kemi strukturat, kemi organizimin, kemi njerëzit, kemi programin që sapo e kemi shpallur. Ndaj, ajo që diskutohet është emri. Duke e çuar rekursin në gjykatë të lartë, ne edhe njëherë ju themi jo vetëm demokratëve, por dhe shqiptarëve që nuk mund të pranojmë padrejtësinë. Nuk mund të pranojmë që padrejtësia të bëhet normë në këtë vend. Dhe sigurisht urojmë që programi ynë, struktura jonë që është tërësisht gati, madje ka filluar punën për fushatën e ardhshme, t’ju paraqitet shqiptarëve si alternativë me logon dhe vulën e Partisë Demokratike të Shqipërisë. Por nëse pazari dhe konspiracioni, jo thjesht kundër demokratëve, por dhe kundër shqiptarëve do ta pamundësojë këtë, padiskutim demokratët euroatlantik do të jenë në zgjedhje. Programi, alternativa dhe lista e kandidatëve tanë nuk do t’u mohohen shqiptarëve", u shpreh Basha. 

CNA raportoi pak ditë më parë se Basha është vënë në lëvizje për të krijuar një koalicion apo një parti të re, që të garojë në zgjedhjet parlamentare të 2025-ës. (Lexo këtu)

Lajmin e CNA-së e konfirmoi Enkelejd Alibeaj. Në një nga televizionet e paguar nga inceneratorët, Alibeaj tha se me Bashën po shikojnë mundësinë për të krijuar një parti të re./CNA





Lajmet e fundit nga