web counter
LEXO PA REKLAMA!

SHKARKO APP

App Store
Google Play

E fundit!

x

Meta rendit arsyet e divorcit me Kryemadhin: Çështja e mandatave, krim për popullin

21 Qershor 2024, 07:25, Politikë CNA
Meta rendit arsyet e divorcit me Kryemadhin: Çështja e mandatave,
Ilir Meta, foto LSA

Pas lajmit se ka vendosur të ndahet nga bashkëshortja  e tij, Monika Kryemadhi, kreu i Partisë së Lirisë, Ilir Meta, renditi në emisionin "Çim Peka LIVE" në "SYRI TV", arsyet që e kanë çuar drejt ndarjes. 

Meta ka theksuar se krisja me Kryemadhin filloi që me çështjen e mandatave, të cilin ai e quajti një krim për popullin shqiptar. Ai theksoi se tani marrëdhënia me Kryemadhin është bërë e pamundur. 

"E para, unë e mendoj se është e pafajshme. E dyta, Batoni më ka thënë në një darkë te Kodra e Diellit, se kam menduar se do ta ndaje që kur u lanë mandatet. E përmenda çështjen e mandateve se ajo ka qenë një krisje shumë e madhe mes nesh. Nuk ka qenë lojë dhe nuk është lojë. Çështja e mandateve është një krim për popullin shqiptar. Unë kam pritur një reflektim nga ajo dhe deputetët dhe askush nuk mori në telefon për të pyetur se nëse ti ke dalë kundër çfarë mendon.

Nuk e bëra unë kryetare të partisë, ashtu siç e thatë ju. Ajo ka pasur kontributet e veta shumë të mëdha. Pas zgjedhjes sime të sforcuar si president, kryetar u bë Petrit Vasili, për shkak të përvojës, qartësisë politike dhe ajo u bë nënkryetare si një mbështetëse dhe për të mbajtur linjën. Dhe më pas erdhën zgjedhjet, rezultati i dobët në Fier dhe presionet e Ramës ndaj deputetëve sepse u duk e qartë që po shkonim drejt opozitës. Më pas u mendua si zgjidhje për të mbajtur më të bashkuar partinë, dhe për shkak të energjive që ajo kishte. Ka kontributet e veta që askush nuk ia ka mohuar dhe nuk ia mohon. Por tani kjo është një marrëdhënie, e cila është bërë e pamundur dhe kjo është një zgjidhje më e qetë për të gjithë", tha Ilir Meta./CNA 





Lajmet e fundit nga