web counter
LEXO PA REKLAMA!

SHKARKO APP

App Store
Google Play

E fundit!

x

Aksioni politik i PD-së pas vendimit për simbolet/ Boçi: Basha, tashmë një problem periferik

20 Qershor 2024, 13:28, Politikë CNA
Aksioni politik i PD-së pas vendimit për simbolet/ Boçi: Basha,
Luçiano Boçi, foto: CNA

Pranvera e vitit të ardhshëm do të jetë një tjetër sfidë për politikën, por edhe për vetë shqiptarët. Në zgjedhjet parlamentare 2025, mazhoranca do të kërkojë forcimin e rrënjëve, pra një mandat të katërt në krye të pushtetit. Ndërsa opozita do të jetë me një tjetër qasje, pasi PD, udhëheqësja e opozitës sot, ka një tjetër drejtim dhe një tjetër synim.

Nënkryetari i PD-së, Luçiano Boçi, në një intervistë për CNA TV, ka analizuar situatën teksa ka akuzuar Lulzim Bashën së është inkoherent, me karakter të dobët politik dhe se donte të shkatërronte partinë.

Sipas Boçit, vendimi i gjykatës për simbolet, i dha fund luftës së imponuar brenda PD-së. 

"Me këtë vendim merr fund një lloj lufte e imponuar brenda PD-së, lojë cinike që vinte edhe nga faktorë të jashtëm që kërkonin shkatërrimin e saj, por që përdorën karaktere politike të dobëta brenda nesh. Mbajtja peng e simboleve të PD-së ka qenë një nga projektet më djallëzore për të eliminuar dhe dobësuar PD dhe opozitën. Si drejtues i PD-së doli si një njeri që në qëllimet e tij nuk kishte nxjerrjen fituese të PD-së, por shkatërrimin e saj. Basha për mua është problemi më periferik i mundshëm sot, brenda problemeve që ka PD-ja që lidhen me organizimin dhe aksionin politik. Basha e kreu misionin tij, ndoshta e vazhdon dhe e mban pak ajo shpresa rekursit, por që nuk ka se çfarë të bëjë më. Të vazhdojë përpjekjen e tij në sinkron me mazhorancën që nuk sjell gjë tjetër përveçse atë që ne e kemi përcaktuar si vetëpërjashtim të zotit Basha dhe ndonjë tjetri. Është politikani më inkoherent që kam takuar. Thotë gjëra të ndryshme dhe bën ndryshe, dhe kur i bën nuk i bën me qëllimin dhe kohën e duhur. Duket qartë që kjo pjesa që ka vazhduar dëshmon që nuk ka qenë thjesht rastësore, por ka qenë me ato qëllime që i parashtrova", u shpreh Boçi./CNA 

 





Lajmet e fundit nga