web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI: Motra e drejtoreshës së Veliajt ka marrë miliona lekë tenderë nga bashkia

19 Qershor 2024, 11:41, Politikë CNA
DENONCIMI: Motra e drejtoreshës së Veliajt ka marrë miliona
Erion Veliaj, foto: LSA

Koordinatori Rajonal i PD-së për Tiranën, Klevis Balliu, denoncoi sot nga selia blu se kompania e motrës së drejtoreshës së Bashkisë së Tiranës, Mirela Koçollari, ka marrë miliona lekë tenderë nga ky institucion. 

Balliu sqaroi se "ANK ARCITECTURE sh.p.k." është subjekti në pronësi të Albana Koçollarit, motra e Mirela Koçollarit, me detyrë Drejtoreshë e Përgjithshme në Drejtorinë e Promovimit të Qytetit pranë Bashkisë Tiranë.

Ai u bëri thirrje të gjithë qytetarëve që të bashkohen të premten në orën 11:00, për të marrë pjesë në protestën që do të zhvillohet para Bashkisë Tiranë. 

Deklarata e plotë:

Në Bashkinë e Erion Veliajt vjedhja dhe abuzimi i fondeve të qytetarëve të Tiranës është kthyer në rutinë. Lal djegësi ka ngritur një sistem monstruoz korruptiv ku drejtorët dhe punonjësit e tij u japin tenderë familjarëve të vet. Fakti që kjo është një përsëritje e vazhdueshme tregon qe është sistemi i ngritur. Patjetër si në çdo institucion nuk mund të ndodhë as një procedurë pa titullarin.

Ajo çka është më tronditëse është amnistia që i është bërë Erion Veliajt nga organet e drejtësisë, është i turpshëm gjunjëzimi i drejtësisë përballë Veliajt. Drejtësia në dorë të partisë që mban nën arrest liderin e opozitës, pa asnjë fakt dhe pa asnjë akuzë nuk mban nën arrest Veliajn, i cili ka një mal me prova dhe fakte si dhe akuza konkrete. E në fakt si rrjedhojë Veliaj vazhdon me sistemin e tij prej kryehajduti.

"ANK ARCITECTURE" sh.p.k. është subjekti në pronësi të Albana Koçollarit, motra e Mirela Koçollarit, me detyrë Drejtoreshë e Përgjithshme në Drejtorinë e Promovimit të Qytetit pranë Bashkisë Tiranë.

Kjo e fundit ka përfshirë kompaninë e motrës së saj duke lidhur kontrata me Bashkinë e Tiranës konkretisht:

1. Kontrata dt. 13 dhjetor 2019 me objekt:

Konsulencë – Ekspertizë për vlerësimin e objekteve të dëmtuara nga tërmeti shkolla e mesme 'Sami Frashëri’.

‘Procedurë me negocim pa shpallje paraprake të njoftimit të kontratës me rrugë shkresore’, në mbështetje të Vendimit te Këshillit të Ministrave Nr.750, datë 27.11.2019 ‘Për Shpalljen e gjendjes së fatkeqësisë natyrore në qarqet Durrës dhe Tiranë’ pika 7.1 gërma "dh") përjashtimisht, procedurat e prokurimit për mbulimin e nevojave emergjente, si rezultat i dëmeve të shkaktuara nga tërmeti i datës 26 nëntor t’i zhvillojnë në rrugë shkresore)

Vlera e kontratës 4 950.000 lekë me tvsh

2. Kontrata dt. 5 qershor 2020 me objekt

Studim Projektim për Objektet Arsimore, në kuadër të procesit të rindërtimit, Tiranë, të ndarë në lote: Loti i VII: Studim projektim per objektin: Ndërtimi i shkollës se mesme ‘Sami Frashri’. (Programi i Rindërtimit)

Vlera e kontratës 3.609.225 lekë me TVSH.

3. Kontrata dt. 4 shkurt 2021 me objekt:

Loti I:Studim projektim,për objektin: ‘Rikualifikim bllokut që kufizohet nga ‘Teodor Keko’, ‘Tom Plezha’, ‘Mikel Maruli’ dhe ‘Loni Ligori’ Vlera e kontratës 3.738.000 lekë me TVSH.

Përveç kontratave të mësipërme të denoncuara edhe më parë edhe në media, në datën 7 Qershor 2024 Erion Veliaj  paguan motrën e drejtoreshës së tij për kontratën nr.14214/11 me objekt: ‘Studim projektim ndërtim qendra polifunksionale faza 1 + faza 2 + faza 3 në vlerën totale 7.141.200 lekë

Te bashkohemi të premten në orën 11:00 kundër korrupsionit dhe hajdutëve të parave të qytetarëve.

Të premten në ora 11:00 në protestë tek bashkia  Tirane për të shpëtuar Tiranën nga kthetrat e bosit të organizatës kriminale ‘5D’./CNA 





Lajmet e fundit nga