web counter
LEXO PA REKLAMA!

SHKARKO APP

App Store
Google Play

E fundit!

x

Bardhi: Berisha, zgjedhja më e mirë si kryeministër i ardhshëm për shqiptarët, përballë Ramës

17 Qershor 2024, 22:31, Politikë CNA
Bardhi: Berisha, zgjedhja më e mirë si kryeministër i
Gazmend Bardhi, kryetar i grupit parlamentar të PD-së. Burimi LSA

Kreu i Grupit Parlamentar të PD-së, teksa foli gjatë një emisioni televiziv, mbrëmjen e së hënës në lidhjje me zgjedhjet e ardhshme parlamentare dhe kandidatin për kryeministër u shpreh se Shqipërisë dhe shqiptarëve i duhet një PD e fortë, me një ekip fushate dhe kandidati për kryeministër që ngjall besimin për qytetarët shqiptarë, pa përjashtuar askënd.

Nëse do të duhet të zgjidhet mes Edi Ramës apo Sali Berishës, atëherë shqiptarët duhet të zgjedhin Sali Berishën, pavarsisht gabimeve që ky i fundit ka bërë, ai është zgjedhja më e mirë, tha ai.

“Dallimi kryesor mes Sali Berishës dhe Edi Ramës është se Berisha qëndroi në pushtet sa kohë e votuan shumica e shqiptarëve, ndërsa Edi Rama bëri pakt me bandat dhe krimin dhe mban pushtetin. E patë ju se kush ia bëri fushatën Edi Ramës? Ja atë Arben Ndokën kishte në Lezhë, këto janë njerëzit që bënin fushatën e Ramës dhe ai mban pushtetin në aleancë me krimin”, tha Bardhi.

Nënkryetari i PD-së u shpreh gjithashtu se opozita nuk i është dorëzuar krimit të organizuar dhe kjo është një arritje e madhe për të./ CNA





Lajmet e fundit nga