web counter
LEXO PA REKLAMA!

SHKARKO APP

App Store
Google Play

E fundit!

x

"Non-grata" e Berishës/ Këlliçi: Nuk është humbje për ne, SIAC nuk ishte serioz

17 Qershor 2024, 21:23, Politikë CNA
"Non-grata" e Berishës/ Këlliçi: Nuk është
Drejtuesi politik i PD-së për Tiranën, Belind Këlliçi. Burimi, PD

Drejtuesi politik i PD-së për Tiranën, Belind Këlliçi, ka folur mbrëmjen e sotme për lënien në fuqi të sanksionit “non-grata” nga Britania për ish-kryeministrin Sali Berisha.

Këlliçi tha në emisionin “Debat” të Alba Alishanit se nuk e konsideron një humbje vendimin e Komisionit Special të Apelimit të Emigracionit (SIAC), pasi theksoi se ky nuk është një vendim gjykate.

Ai pretendoi se SIAC nuk ka treguar seriozitet dhe ka marrë një vendim duke u bazuar në shkrimin e Carlo Bollinos dhe delaratat e Lulzim Bashës.

“Do ishte humbje nëse do kishte realisht një humbje dhe një vendim gjykate. Komisioni i Apelimit që ju e përmendët është Komisioni Special i Apelimit të Emigracionit në Angli, ka bërë një interpretim krejt absurd në gjykimin tim, por nga ana tjetër të pavlefshëm sa i përket ligjit. Nuk është një interpretim ligjor dhe nuk është një vendim ligjor. Çështja do të shkojë në gjykatë, kjo është hallka e fundit që do të shkonte në gjykatë. Ata kanë marrë parasysh dy artikuj të Birn-it që është media serioze, por e financuar nga Soros. Kanë marrë një artikull të shkruar nga Bollino, i cili ka vjedhur 4 mijë metra katrorë për të ndërtuar një ngrehinë që e quan televizion kombëtar, është i kallëzuar aktualisht në SPAK. Dhe një deklaratë e kanë marrë parasysh nga Lulzim Basha, që pretendon se është ende kryetar i PD-së. Domethënë për të parë seriozitetin e shqyrtimit të provave.

Gjyqtarja ka lënë në fuqi vendimin e mëparshëm se nuk ka pasur mundësi të shohë provar e zotit Berisha. Të analizosh hollësishëm Carlo Bollinon është jo tallje, por është fyerja më e madhe që mund t’i bëhet popullit shqiptar”, theksoi drejtuesi i PD-së për Tiranën./ CNA





Lajmet e fundit nga