web counter
LEXO PA REKLAMA!

SHKARKO APP

App Store
Google Play

E fundit!

x

Agjencia e Inovacionit dhe Ekselencës/ Balluku, ftesë shqiptarëve në Londër

17 Qershor 2024, 20:31, Politikë CNA
Agjencia e Inovacionit dhe Ekselencës/ Balluku, ftesë shqiptarëve
Belinda Balluku, foto e publikuar nga zv.kryeministrja

Zëvendëskryeministrja Belinda Balluku ndodhet në Londër, nga ku së bashku me Ledi Imeraj, drejtuese e Agjencisë së Inovacionit dhe Ekselencës, diskutuan me djem e vajza nga Shqipëria mbi mundësitë e angazhimit të tyre pranë Agjencisë.

Për Ballukun, ky angazhim është një potencial i rëndësishëm për zhvillimin e vendit.

“Me Ledi Imeraj, drejtuese e Agjencisë së Inovacionit dhe Ekselencës, biseduam me të rinj e të reja nga Shqipëria që jetojnë e punojnë në Londër, duke i ftuar për të dhënë kontributin e tyre në zhvillimin e vendit, përmes angazhimit në Agjencinë e Inovacionit dhe Ekselencës, si një nukël e rëndësishme për të aplikuar risitë e fundit të teknologjisë në sektorët e rëndësishëm të vendit. Qeveria Shqiptare fton të gjithë profesionistët shqiptarë kudo që jetojnë të japin kontributin e tyre. Njohuritë dhe dijet e tyre janë mëse të mirëpritura”, thekson ajo.

Puna e Agjencisë së Inovacionit dhe Ekselecës kontribuon drejtpërdrejt në formësimin e politikave, projektimin e zgjidhjeve inovative dhe zbatimin e strategjive që kanë një ndikim të qëndrueshëm. Agjencia vepron në kryqëzimin e kreativitetit, inovacionit dhe shërbimit publik në Shqipëri./ CNA

Agjencia e Inovacionit dhe Ekselencës/ Balluku, ftesë shqiptarëve
Belinda Balluku, foto e publikuar nga zv.kryeministrja




Lajmet e fundit nga