web counter
LEXO PA REKLAMA!

SHKARKO APP

App Store
Google Play

Pakt mes Ramës dhe Berishës! Bardhi: Partnerët strategjikë ishin të informuar në kohë reale për marrveshjen

17 Qershor 2024, 22:09, Politikë CNA
Pakt mes Ramës dhe Berishës! Bardhi: Partnerët strategjikë
Gazmend Bardhi, kryetar i grupit parlamentar të PD-së. Burimi LSA

Kreu i grupit parlamentar të PD-së, Gazmend Bardhi deklaroi të hënën se në rikthimin e normalitetit të Kuvendit të Shqipërisë, kanë qenë në dijeni, partnerët strategjik.

I pyetur gjatë një dalje televizive, nëse ekziston një pakt mes Sali Berishës dhe Edi Ramës, apo mes Bledi Çuçit dhe Gazment Bardhit, ky i fundit e mohoi por tha se për çdo gjë, për çdo diskutim, kanë qenë të përfshirë partnerët më strategjikë, që kanë dhënë edhe mendimet e tyre.

Nënkryetari i PD-së u shpreh se është kjo arsyeja pse në atë kohë u përshëndet marrëveshja e arritur duke kthyer Kuvendin në normalitet. Bardhi përsëriti edhe njëherë se PD, nuk do të marrë pjesë në Komisionin e Posaçëm Anti-korrupsion.

 “Ne kemi prioritet reformën zgjedhore, e cila duhet të çohet përpara. Së dyti askush nuk e di se çfarë ka si mision apo në rend të punës prioritet ky komisioni i posaçëm për anti-korrupsionin. Ne jemi kundër komisionit dhe nuk kemi qenë pjesë e procesit, çka do të thotë se nuk do të marrim pjesë në një nismë të njëanshme”, tha Bardhi.





Lajmet e fundit nga