web counter
LEXO PA REKLAMA!

SHKARKO APP

App Store
Google Play

E fundit!

x

Kaso zbulon hapin e radhës/ Çfarë po projekton PD-ja pas marrjes së vulës

18 Qershor 2024, 16:40, Politikë CNA
Kaso zbulon hapin e radhës/ Çfarë po projekton PD-ja pas
Selia blu, burimi PD

Gjykata e Apelit njohu disa ditë më parë ish-kryeministrin Sali Berisha si kryetar të PD-së, duke ia dhënë atij vulën.

PD tashmë po projekton një program për krijimin e një fronti opozitar më të bashkuar.

Sekretari për çështjet ligjore në PD, Ivi Kaso për CNA TV lidhur me këtë situatë, zbuloi se tashmë janë bërë disa tryeza me partitë e tjera të djathta, ku po punohet për ofertën elektorale.

“Tashmë që kjo situatë është tejkaluar, është formalizuar në një farë mënyrë edhe fronti opozitar. Janë bërë disa tryeza, është çështje javësh që të finalizohet edhe oferta e përbashkët elektorale me anë të së cilës do të paraqitemi edhe te shqiptarët”, u shpreh ai.

Pra, hapi i radhës i opozitës është bashkimi i opozitës në një koalicion dhe duket se për këtë ka nisur punën menjëherë pas marrjes së vulës.

Ashtu si eksponentët e tjerë të opozitës, edhe sekretari për çështjet ligjore në PD kërkon bashkimin e demokratëve, duke theksuar se tani është e qartë se cili është flamuri dhe simboli i PD-së./ CNA





Lajmet e fundit nga