web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI: Babëzia dhe vjedhjet e Veliajt, tenderët e dhënë

18 Qershor 2024, 13:42, Politikë CNA
DENONCIMI: Babëzia dhe vjedhjet e Veliajt, tenderët e dhënë
Erion Veliaj

Koordinatori Rajonal për Tiranën i PD-së, Klevis Balliu, u shpreh nga selia blu se Bashkia e Tiranës nuk ndalet dhe se vjedhjet e babëzia janë fjalët që përshkruajnë më së miri sistemin e Erion Veliajt. 

Balliu denoncoi se Veliaj qokën e radhës e bëri ndaj Mehmet Hasalamit, drejtori i Drejtorisë së Programeve të Zhvillimit në Miniera dhe Industri, në Ministrinë e Infrastrukturës dhe Energjisë.

Ky i fundit ka marrë 4.6 miliardë lekë nga institucione shtetërore nëpërmjet kompanisë së tij, ‘Dekliada Alb sh.p.k’.

Deklarata e plotë: 

Pas denoncimeve të shumta të Partisë Demokratike, të shpërfillura nga SPAK-u, për qokat e Veliajt për njerëzit e pushtetit, duke u dhuruar tenderë miliona eurosh deputeteve të partisë dhe drejtorëve të tij, drejtësia vazhdon të heshtë si fija e barit dhe e lejon këtë hajdut të vazhdojë vjedhjet.

Qoka korruptive e radhës me paratë e qytetarëve i bëhet Mehmet Hasalamit, drejtori i Drejtorisë së Programeve të Zhvillimit në Miniera dhe Industri, në Ministrinë e Infrastrukturës dhe Energjisë.

Hasalami është njëherësh pronar, me 100 për qind të kapitalit, në subjektin Instituti ‘Dekliada Alb sh.p.k’. Me këtë kompani ai, për periudhën 2019-2023 ka përfituar 4.6 miliardë lekë nga institucione shtetërore. Po me këtë ent privat ai është projektues dhe hartues raportesh për 18 projekte infrastrukturore që lidhen me energjinë, si dhe koncesionar në 2 koncesione.

Erion Veliaj, konkurrenti më i madh i Edi Ramës në vjedhje. Sipas Open Data ka lidhur 41 kontrata publike, përfshirë edhe procesin e rindërtimit si dhe kontrata publike gjatë vitit 2024 me kompaninë e Hasalamit kundrejt vlerës 2.2 milionë euro.

Në kushtet kur organet e drejtësisë nuk veprojnë, na lind detyra të gjithëve bashkë ne të çojmë në koshin e plehrave pushtetarët e korruptuar si Erion Veliaj.

Ju ftojmë ditën e premte, ora 11:00, në protestë kundër hajdutit më të madh nga Tirana në Bagdad, Erion Veliaj.

Të protestojmë për të shpëtuar Tiranën nga kthetrat e hajdutërisë rilindase./CNA 





Lajmet e fundit nga