E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Veliaj, me të njëjtin refren/ “Hedh vrer” ndaj opozitës për protestat

18 Qershor 2024, 17:51, Politikë CNA

Veliaj, me të njëjtin refren/ “Hedh vrer” ndaj

Kryebashkiaku i Tiranës, Erion Veliaj. Foto e shkëputur nga aktiviteti i tij

Kryebashkiaku i Tiranës, Erion Veliaj, në çdo takim që zhvillon me socialistët sulmon protestuesit e opozitës.

Diskursi politik i Veliajt është i njëjtë, “ata dinë vetëm të shkatërrojnë, ndërsa ne vetëm ndërtojmë e bëjmë punë të mira”.

Veliaj anashkalon faktin se disa prej këtyre punëve, janë kryer me procedura antiligjore, si në rastin e kompanisë “5D”, ku drejtorët e Veliajt kanë paracaktuar kompaninë e tyre fituese për tenderat që hapeshin nga Bashkia e Tiranës.

“Ne kemi kaluar sfida të jashtëzakonshme në këtë komunitet. Më kujtohet kur jemi takuar bashkë para 4 vitesh, kur bëheshin protestat tek Astiri, ku të ishe socialist në zonën e Astirit ishte nga gjërat më të vështira. Në momentin që sot digjen gomat një herë, dy herë, dymbëdhjetë herë te bashkia, tani quhet rutinë, por ai stil, ajo formë e të bërit politikë me djegie gomash, me urrejtje ndaj njëri-tjetrit, me përçarje ndaj njëri-tjetrit, nisi tek Astiri, ku atëherë ishte tjetër kryetar i PD dhe thoshte: Këtu është vija e kuqe dhe nuk do të kalojë autostrada. Ndërkohë, ajo autostradë është arteria kryesore ekonomike, transporti, energjie, biznesi për gjithë Tiranën dhe ja ku jemi sot. Për të gjithë ata që thoshin kjo është një vijë e kuqe, ne s’do e kalojmë kurrë, ne socialistët thoshim: jo more njerez, se nuk mund të bllokohet qyteti kështu. Nëse dikush ka ndërtuar pa leje, do kompensohet, por qyteti duhet të ketë autostradë, qyteti duhet të ketë shkolla, qyteti duhet të ketë parqe, qyteti duhet të ketë të gjitha lehtësirat që i ka çdo qytet tjetër”, theksoi ai.

Veliaj ka zgjedhur të mos flasë për drejtorët të cilët akuzohen për abuzim me tendera nga SPAK-u.

Kryebashkiaku ka zgjedhur të heshtë, si për të treguar se nëse nuk flet më për këtë çështje, afera do të harrohet. Por në fakt afera e drejtorëve është aty, ndërsa të tjerë drejtorë pritet të përfundojnë në “rrjetën” e SPAK-ut./ CNA