E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Kaso “fshikullon” Bashën/ “Shiti kërkesën për qeveri teknike në zgjedhjet e mëparshme”

18 Qershor 2024, 17:14, Politikë CNA

Kaso “fshikullon” Bashën/ “Shiti kërkesën

Sekretari për çështjet ligjore në PD, Ivi Kaso. Burimi, LSA

Sekretari për çështjet ligjore në PD, Ivi Kaso, në një intervistë për CNA TV hodhi akuza ndaj Lulzim Bashës, teksa përsëriti kërkesën e opozitës për qeveri teknike.

Kaso tha se kërkesën për qeveri teknike, në kohën kur PD-ja drejtohej nga Lulzim Basha, e kemi dëgjuar vetëm si refren.

Ai ngriti akuzat se Basha e ka shitur marrëveshjen e zgjedhjeve me qeveri teknike, përpara se ato të realizoheshin.

Sekretari për çështjet ligjore në PD theksoi se si pasojë e atij pazari, opozita pati një rezultat të dobët në zgjedhje.

“Nevoja për qeveri teknike, e cila nuk artikulohet vetëm si një refren që e kemi dëgjuar për fat të keq edhe në zgjedhje të tjera kur ka patur një drejtim tjetër PD, e për fat të keq edhe ajo kërkesë u shit në një periudhë parazgjedhore dhe e pamë çfarë rezultati të keq prodhoi në zgjedhje, vjen si domosdoshmëri nisur veçanërisht nga qëndrimet e fundit të partnerëve ndërkombëtarë, të cilët kanë monitoruar proceset zgjedhore.

Nuk konkurojnë dy alternativa, dy oferta politike, apo dy parti politike, por për fat të keq konkuron një parti politike ose një koalicion partish të opozitës kundër shtetit nga ana tjetër. Të gjithë e dimë, të gjithë jemi të ndërgjegjshëm sa garë e pabarabartë është. Asnjë parti politike pavarësisht resurseve të saj, pavarësisht burimeve njerëzore dhe ofertës elektorale që ajo ka, nuk mund të krahasojë burimet e saj me burimet pafundësisht më të mëdha të shtetit.

Për ta zgjidhur këtë situatë dhe për ta bërë fushën e lojës zgjedhore siç e kërkojnë edhe standarded e OSBE-ODIHR, për të bërë të barabartë, mënyra e vetme është që të kemi një qeveri teknike, në qoftë se mazhoranca bie dakord ta institucionalizojmë këtë në çdo palë zgjedhje, si një mekanizëm i cili synon që të frenojë keq përdorimin e burimeve shtetërore, të cilat deformojnë në masë të madhe proceset zgjedhore”, theksoi Kaso./ CNA