web counter
LEXO PA REKLAMA!

SHKARKO APP

App Store
Google Play

Berisha: Taksimi i profesioneve të lira, goditje armiqësore ndaj shqiptarëve

18 Qershor 2024, 20:31, Politikë CNA
Berisha: Taksimi i profesioneve të lira, goditje armiqësore ndaj
Kryetari i Partisë Demokratike, Sali Berisha. Burimi, PD

Kryetari i Partisë Demokratike, Sali Berisha hodhi akuza ndaj qeverisë në lidhje me taksimin e profesionistëve të lirë.

Për Berishën, ky taksim është një akt që synon një goditje mëshire për qenien tonë kombëtare.

Sipas tij, qeveria po e vendos taksimin e profesioneve të lira në mënyrë arbitrare dhe armiqësore.

“Kjo që po ndodh me profesionet e lira është një akt që synon një goditje mëshire për qenien tonë kombëtare.

Profesionet e lira janë disa dhjetëra mijë djem, vajza, burrë, gra, njerëz duhet të pranojmë të zot, të aftë, që kanë vendosur të fitojnë jetën e tyre me profesionin që kanë.

Që kanë vendosur të mos i vardisen, të mos i luten kujt për punë në shtet, por të ndjekin punën e tyre.

Këto profesione, kjo shtresë përbën shtresën e kohezionit të një shoqërie në çdo vend të lirë.

Pikërisht u vendos në mënyrën më arbitrare, më armiqësore ndaj shqiptarëve dhe ndaj tyre, që të tatohen aq sa në asnjë vend tjetër të Europës.

Dhe që të detyrohen ose t’i bëjnë të ndaluara shërbimet e tyre për qytetarët, pra të rrisin çmimet, ose të largohen nga Shqipëria.

Me eksperiencën që kanë, të shkojnë në vende të tjera dhe qytetarët të mbeten pa shërbimet, të cilat në tërësi janë shërbime jetike për çdo shoqëri, për çdo komb”, deklaroi ish-kryeministri./ CNA





Lajmet e fundit nga