E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Luli Basha nëse e ka seriozisht hallin e vulës, duhet të bëjë kërkesë-padi në shkallën e parë

18 Qershor 2024, 18:57, Politikë CNA

Luli Basha nëse e ka seriozisht hallin e vulës, duhet të

Lulzim Basha, burimi: PD-ja e tij

Luli Basha vazhdon të mashtrojë me gjasme-ankimimin për vendimin e Apelit që i la siglën dhe vulën Foltores.

Megjithëse Gjykata e Lartë e ka shqyrtuar një herë ankimimin e Bashës ndaj një vendimi të dikurshëm të Apelit, Luli vazhdon bën si budalla e gjasme nuk kupton që Gjykata e Lartë nuk e merr më në shqyrtim ankesat e Bashës për të njëjtën çështje. Dhe pastaj habitet. Është edhe jurist Luli!

Gjykata e Lartë nuk është në lojë me Bashën në këtë histori.

Basha mund të vazhdojë lojën për hesap të vet.

Që Basha po tallet e vërteton fakti që ai insiston të deklarojë publikisht se gjasme vendimin e Apelit do e ankimojë në Gjykatën e Lartë!

Nëse Basha e ka me të vërtetë, duhet të ndërrojë refrenin.

Refreni "do shkojmë të ankimojmë në Gjykatën e Lartë", është dekadent dhe i dalë boje.

Lulzim Basha, burimi LSA

Basha thjesht po mban me gajret veten me këtë gënjeshtër.

Ai vazhdon të rrijë si lider në keqbesim!

Që Basha është mashtrues ordiner e vërteton fakti që ai as që e përmend të vetmin opsion që ka për t'u ankuar ndaj akteve të marra nga Rithemelimi dhe që janë depozituar në Rregjistrin Themeltar të Partive Politike.

Basha ka vetëm një opsion nëse mendon vërtetë të atakojë vendimmarrjen e Stadiumit nga Rithemelimi:

- Basha nëse nuk i pëlqen vendimi i Apelit, duhet të depozitojë kërkesë-padi, në Gjykatën e Shkallës së Parë. Siç ka urdhëruar Gjykata e Lartë!

Të tjerat janë dëngla vape për kokëtrashët qe duan të na mbushin mendjen se janë aty për të shpëtuar PD-në.

Juristi Basha, të shtrëngojë ushkurin e t'i dalë për zot ankesave të veta. Duke depozituar kërkesë padi në gjykatat Shkallën e parë. Me atë kërkesë padi të kërkojë zhvlerësimin e akteve të marra nga Rithemelimi.

Lulzim Basha, burimi: PD-ja e tij

Mos bëjë lojëra duke akuzuar të tjerët për lojëra!

Deklarata e Luli Bashës në televizionin e paguar nga inceneratorët:

“Ka marra trajtat e një loje, me kryeministrin dhe ish kryeministrin. Nuk ka asgjë që tu thotë shqiptarëve, ka investuar në këtë mekanziëm. I ka dhënë Berishës sallat e kryebashkiakëve socialiste, oligarkët. Sepse duke mbajtur Berishën diksursin e vetëm të opozitës, siguron pushtetin e tij. Njerëzit kanë nevojë për alternativë dhe zgjidhje. Me ndihmën e Berishës, Rama e mban debatin aty. Berisha mjaftohet të njihet nga Rama si kundër part. Vijon prej 2008. Më 1 qershor shpalosëm alternativën duke kthyer PD në qëndrën e djathtë.

Programi ynë antikorrupsion, e vetmja forcë që mbështet SPAK-un dhe drejtësinë. Kthimi i KLSH në një gjykatë auditi me vendime ekzekutive. Me krijimin e njësisë për kthimin e pasurisë së vjedhura shqiptarëve.

Në vend që të flasim për problemet ne flasim nga mëngjesi në darkë për Berishën.

Gjykata ka folur, ne nuk kemi luftë për logo, karrige, vulë. Dikush tjetër ka këtë luftë, sepse nuk ka për ça të luftojë tjetër, për të mbrojtur familjen. Edi Ramën e mban në lojë kjo tango për Sali Berishën. Pse të mos më pyesësh për programin tonë. Sepse debatin publik Rama me ndihmën e Berishës do ta mbajë te kjo tango, vula logo. Nuk ka shpresë për të ardhmen e shqiptarëve. Debatin e logos e kemi refuzuar para 11 qershorit, e refuzojmë sot."/ CNA