web counter
LEXO PA REKLAMA!

SHKARKO APP

App Store
Google Play

Meta "tmerrohet" nga rruga, kërkon protestë në Shalë

19 Qershor 2024, 20:31, Politikë CNA
Meta "tmerrohet" nga rruga, kërkon protestë në
Kryetari i PL-së, Ilir Meta. Foto e shkëputur nga aktiviteti

Kreu i Partisë së Lirisë, Ilir Meta mblodhi të mërkurën, Komisionin e Organizimit të Tiranës, pas kthimit nga një udhëtim turistik në Alpet Shqiptare.

Meta tha se ishte tmerruar nga rruga që të dërgon nga qendra e Vaut të Dejës në Koman.

"Sapo kthehem nga një mrekulli e Shqipërisë që nuk e kisha parë deri tani, siç është lumi i Shalës dhe Shoshi. Jam shokuar nga numri i madh i turistëve të huaj, nga autobusët nga shumë turistë që edhe në këmbë ecnin. Jam tmerruar nga rruga e tmerrshme nga qendra e Vaut të Dejës në Koman. Është një krim shtetëror që ajo rrugë të lihet në atë mënyrë. Ku kalojnë mijëra turistë. Shteti nuk i ndihmon as për të bërë letrat për pronat e tyre të ligjshme. Është bërë vetëm falë punës së tyre”, u shpreh ai.

Meta kërkoi protesta, teksa fajësoi qeverinë dhe kryeministrin Edi Rama për mungesë investimesh.

"Atje rruga nuk bëhet sepse nuk ka mundësi për resorte që të shtojnë paratë Edi Rama dhe Ëngjëll Agaçi. I bëj thirrje atij komunitetit të ngrihet në protesta. Alpet e Shqipërisë janë krenaria e turizmit tonë në botë dhe qëllimisht diskriminohen. Pasoja katastrofike të reformës territoriale. Katër herë ikën dritat dje atje. Dhe askush nuk kishte shqetësim atje. Malësorët e kalonin me humor që kështu ka qenë breza pas brezi. Turpi i madh për këtë shtet që as gjërat më bazike nuk investon. Para pak ditësh me të drejtë Berisha kishte bërë studim krahasues për fizibilitetin në rrugën e Llogarasë dhe rrugën e Kombit", theksoi kreu i PL-së.





Lajmet e fundit nga